जापानमा मृत्यु भएका शिवराजको तीन महिनापछि दाहसंस्कार

Posted on: November 20, 2016 | views: 617

टोकियो ।
तीन महिना अघि निधन भएका शिवराज रोका मगरको आज जापानमा दाहसंस्कार गरिएको छ ।

अध्ययनका लागि आएका मगरको उपचारको क्रममा निधन भएको थियो ।

निधन भएपछि उनको शव नेपाल पठाउन पहल सहित आर्थिक संकलन गरिएपनि शव पठाउने वा पैसा भन्ने पारिवारिक अनिर्णयका कारण रोकिएको शव शिवराजको पिताले शव शदगद गर्न भन्दै पत्र पठाएपछि आज दाहसंस्कार गरिएको हो ।

२०१६ आइतवार १८ सेप्टेम्बरमा रोका मगरको निधन भएको थियो । रोका मगर टोक्यो फुकुसी दाइगाक्कोउमा अध्ययनरत थिए ।

दाह संस्कारमा नेपाली राजदुतावास जापान, एनआरएन जापान, नेपाल जापान विधार्थी समाज, राप्ती समाज जापान सहित विभिन्न संघसंस्थाका प्रतिनिधि र उनका साथि लगायत नेपाली समुदायको उपस्थिति रहेको थियो ।


उपस्थित नेपालीहरुले दिवंगत रोका मगरप्रति हार्दिक श्रद्धासुमन सहित भागपूर्ण बिदाई गरेका थिए ।