जापानमा चल्न लाग्यो शोखको द रोयल एक्सप्रेस रेल

Posted on: November 20, 2016 | views: 753

टोकियो ।
जापानले सन् २०१७ को जुलाई महिनाबाट अहिलेसम्मकै सुविधा सम्पन्न आरामदायी पर्यटकीय रेल सेवा सुरु गर्ने भएको छ ।

द रोयल एक्सप्रेस नाम दिइएको रेल सेवा नयाँ र ठूलो पर्यटकीय रेल भएको रेल सेवा सञ्चालन गर्न लागेको कम्पनीले जनाएको छ ।

रोयल ब्लु लक्सरी रेल सेवालाई टोक्यु क्रप र इजुक्यु करपोरेशसनले सञ्चालनमा ल्याउन लागेको जापानको फुजी टेलिभिजनले बताएको छ ।

रेलसेवा योकोहामा स्टेशन र इजुक्यु शिमोडा स्टेशन सम्म सुचारु हुने भएको छ ।

कानागावा र शिजुओका क्षेत्रमा संचालन हुने रेलसेवामा एक पटकमा सय जना यात्रुहरु चढ्न पाउनेछन् ।

सानो कन्सर्ट, बिवाहको पार्टी आयोजना तथा बालबालिकाहरुको लागि खेल्न ठाउँ, खाना खाने डाइनिंग टेबल सहितको सुविधा सम्पन्न यो रेल सेवा पर्यटकको लागि लक्षित गरेर सञ्चालनमा ल्याउन लागिएको बताइएको छ ।

जापानमा यसअघि नै क्युसु क्षेत्रमा यस्तै सुविधा सम्पन्न सेभेन स्टार्स रेल सेवा सञ्चालनमा रहेको छ । यसको फरक विशेषता भनेको सानो कन्सर्ट तथा विवाह भोज लगायतका पार्टी समेत आयोजना गर्नु रहेको बताइन्छ ।

क्युसु क्षेत्रमा चल्ने सेभेन स्टार्स रेल सेवामा बैठक, रेष्टुरेण्ट, बार, आराम गर्नको लागी छुट्टै शयन कक्ष, पियानो कक्ष सहितको रेल सेवा कुनै रिसोर्टको झझल्को मेटाउनेगरि सञ्चालनमा रहेको छ ।