जापानद्धारा नेपाल रेडक्रसलाई चारवटा एम्बुसलेन्स सहयोग

Posted on: November 17, 2016 | views: 496

काठमाडौं ।
नेपाल रेडक्रक सोसाइटीलाई जापान सरकारले चारवटा एम्बुलेन्स सहयोग गरेको छ ।

बुधबार नेपाल रेडक्रस सोसाइटी केन्द्रीय कार्यालयमा नेपालका लागि जापानका राजदूत मासासी ओगाआले नेपाल रेडक्रस सोसाइटीका अध्यक्ष संजीव थापामार्फत चारवटा एम्बुलेन्स हस्तान्तरण गरेका हुन् ।

नेपाल रेडक्रस मार्फत चारवटा एम्बुलेन्स गुल्मी, प्युठान, मोरङ र उदयपुर जिल्लाको लागि दिइने भएको छ ।

करिव ७४ लाख रुपैयाँ पर्ने ति एम्बुलेन्स गुणस्तरिय र सुविधा सम्पन्न रहेको छ ।

कार्यक्रममा बोल्दै नेपालका लागि जापानी राजदूत मासासीले नेपालका ग्रामीण समुदायका मानिसहरुलाई स्वास्थ्य सेवा प्राप्त गर्न सहयोग गरिएको एम्बुलेन्सले सघाउने विश्वास व्यक्त गरे ।

नेपाल रेडक्रस सोसाइटीका अध्यक्ष संजीव थापाले नेपाल रेडक्रससँग तीन दशक अगाडिदेखि खानेपानी, सरसफाई लगायत मानवीय सेवा कार्यमा जापान सरकारले सहकार्य र सहयो गर्दै आएको भन्दै जापान सरकार, जापनीज रेडक्रस र जापानी जनताबाट निरन्तर सहयोग पाइरहेकोमा धन्यवाद व्यक्त गरे ।

कार्यक्रममा स्वागत गर्दै नेपाल रेडक्रस सोसाइटीका महामन्त्री देवरत्न धाख्वाले नेपाल रेडक्रस सोसाइटीलाई जापान सरकार र जापानी रेडक्रसले गर्दै आएको सहयोगको लागि धन्यवाद व्यक्त गर्दै सहयोग र सहकार्य पाइरहने विश्वास व्यक्त गरे ।