जापानमा नेपाल संवत् शुभकामना सहित म्ह पूजा सम्पन्न (फोटो फिचर)

Posted on: November 08, 2016 | views: 1021

टोकियो ।
जापानमा नेपाल संवत् ११ ३७ को शुभकामना सहित म्ह पूजा भव्य रुपमा मनाईएको छ ।

नेवा ः अन्तराष्ट्रिय फोरम जापानको आयोजनामा राजधानी टोकियोमा नेपाल संवत् ११३७ शुभारम्भको शुभकामना आदानप्रदान सहित म्ह पूजा गरिएको हो ।

संस्थाका महासचिव शिव तण्डुकारका अनुसार कार्यक्रम टोकियो कितासुना दान्ची हलमा गरिएको हो ।

कार्यक्रम नेपाल संवतका प्रवर्तक शंखधर साख्वाको फोटोमा माल्यार्पण एवं दीप प्रज्वलन सहित सुरु गरिएको थियो ।

गरिवहरुमाथि लागेको ऋण मोचन गराएन सुरु गरिएको बताइदै आएको नेपाल संवत्को सो अवसरमा एक आपसमा शुभकामना आदान प्रदान गरिएको थियो ।

नेपाल संवतको शुभारम्भको अवसरमा शुभकामना पछि म्ह पूजा गरिएको थियो ।

सामुहिक रुपमा गरिएको म्ह पूजामा नेपालीसँगै जापानी नागरिकहरुको समेत उल्लेख्य सहभागीता रहेको थियो ।

पहिलो पटक म्ह पूजामा सहभागीहरुले आफुहरुलाई नयाँ अनुभव भएको भन्दै कुनै रोग व्याद नलागेस् भनि आफुले आफ्नै शरिरको पुजा गर्ने परम्परा रोचक लागेको जापानीहरुले बताएका थिए ।

म्हपूजा पछि सहभागीहरुले नेवारी खाना तथा विभिन्न परिकारहरुको भोजन गरेका थिए । नेवारी खानासँगै नेपाली गित संगितमा रमाएर नाचगानमा सहभागीहरु सो अवसरमा आयोजित विभिन्न सांस्कृतिक कार्यक्रममा सहभागी समेत भए ।

म्ह पूजा तिथि अनुसार भाई टिकाको अघिल्लो साँझ मनाईने भएपछि प्रवासमा रहेर त्यो व्यवस्थापन र सहभागीता मिलाउन कठिन भएका कारण नेवारहरुको मौलिक चाड जोगाउन र मनाउन यसलाई विभि भने सबै पुर्याएर गरिएको आयोजकले जानकारी दिएको छ ।

कार्यक्रममा सहभागी हुनुभएका नेपाली किक बक्सिङ्ग खेलाडी मोहन महर्जन ड्रागनलाई सो अवसरमा बधाई तथा शुभकामना व्यक्त गरिएको थियो ।

गत महिना टोक्योमा भएको प्रख्यात प्रतियोगितामा बिजयी महर्जनले जापानी खेलाडीलाई ३० सेकेण्डमै पराजित गर्नुभएको थियो ।

उहाँले मार्च ३ तारिकमा अर्को महत्वपूर्ण प्रतियोगितामा प्रतिस्पर्धा गर्दै हुनुहुन्छ ।

संघका अध्यक्ष गंगा डंगोलले जापानमा रहेका नेपाली तथा नेवारी समुदायमाझ नेपाली परम्परा र संस्कृतिको बचाउ र जगेर्ना गर्न यस्तो कार्यक्रम बर्सेनी गर्दै आएको भन्दै यसमा सबैपक्षबाट भएको सहयोग र सहभागीताको लागि धन्यवाद व्यक्त गर्नुभएको थियो ।