जापानमा छक्का पञ्जाको हाउसफुल प्रदर्शन

Posted on: November 06, 2016 | views: 1605

२१ कार्तिक, टोकियो ।
नेपालमा व्यापार र चर्चा दुवै हिसाबले दशर्कबाट साथ पाएको चलचित्र छक्का पञ्जालाई जापानमा रहेका नेपालीहरुले पनि साथ दिएका छन् ।

जापान टोक्यो स्थित मेगुरो कुन्मिन सेन्टरमा आज प्रदर्शन भएको चलचित्र हाउसफुल प्रदर्शन भएको छ ।

चलचित्र छक्का पञ्जा हेर्न करिव ३ सय दर्शक अटाउने हलमा भरिभराउ दर्शक उपस्थित देखिन्थे ।

नेपालमा जस्तै चलचित्र हेर्न लाईन लागेर नेपाली दर्शकहरु सपरिवार उपस्थित भएको देखिन्थ्यो ।

हांस्य चलचित्र जस्तो देखिएपनि परदेशीएका नेपालीका कथा व्यथा र उनका परिवारहरुको अवस्थालाई समेटेको चलचित्र हेरेपछि कतिपय दर्शकहरुले आफ्नै कहानी समेटेको जस्तो अनुभुती गरेको समेत बताए ।

चलचित्र प्रदर्शन अवधिभर हाँसोले गुञ्जायमान भएको चलचित्र हेरेपछि दर्शकहरुले चलचित्र उत्कृष्ठ रहेको भन्दै भरपुर मनोरञ्जन लिएको प्रतिक्रिया दिएका छन् ।

चलचित्र छक्का पञ्जालाई लाखें ईन्टरटेनमेन्टले प्रदर्शन गरेको हो भने चलचित्रको बजार व्यवस्थापन स्वस्तिक नेपाल जापानले गरेको हो ।

छक्का पञ्जा नेपालका कतिपय हलहरुमा अझैपनि प्रदर्शन भइरहेको छ भने अमेरिका सहित विभिन्न युरोपका देशहरुमा भव्य प्रदर्शन भइरहेको खवरहरु आइरहेका छन् ।

दिपकराज गिरी र दीपाश्री निरौलाको टिमले नै बनाएपनि छक्का पन्जालाई पहिलो पटक निर्देशन दिपाश्री ले गरेकी हुन् ।

चलचित्रमा दीपकराज गिरी, वुद्धी तामाङ, जीतु नेपाल, केदार घिमिरे, शिवहरी पौडेल लगायतका कलाकारको उत्कृष्ठ हांस्य अभिनय रहेको छ ।

चलचित्रमा मुख्य नायिकाको रुपमा लोकप्रिय नायिका प्रियंका कार्की सँगै नम्रता सापकोटा र बर्षा राउतको उत्कृष्ठ अभिनय देख्न सकिन्छ ।

चलचित्रमा हांस्य कलाकार कुञ्जना घिमिरे, निशान बजगाँइ, सुमन गिरी, केदार घिमिरे, जीतु नेपाल, दीपकराज गिरी, दीपाश्री निरौला, निर्मल शर्माको संयुक्त लगानी रहेको छ ।