जापानमा भूकम्पपछि घरहरु भत्कनुका साथै विद्युत सेवा अवरुद्ध, सुनामी खतरा टर्यो

Posted on: October 21, 2016 | views: 862

५ कार्तिक, टोकियो ।
आज अपरान्ह गएको ६.६ रेक्टर स्केलको शक्तिशालि भूकम्पपछि जारी सुनामीको चेतावनी टरेको छ ।

जापान मेटेरोलोजिकल एजेन्सीले भूकम्प लगत्तै केही स्थानमा सुनामीको चेतावनी जारि गरेपनि समयसँगै त्यो खटरा टरेको भन्दै वेवसाइटमा सुनामीको कुनै खतरा नरहेको उल्लेख गरेको छ । यसअघि मेटेरोलोजिकल एजेन्सीले भूकम्प लगत्तै केही स्थानमा सुनामीको खतरा रहेको उल्लेख गरेको थियो ।

जापानटाइम्स अनलाईनले उल्लेख गरे अनुसार भूकम्प पछि केही स्थानमा सवारीका साधन आवतजावतमा असर पर्नेगरि सडक भत्किएको छ ।

यसैगरि करिव ४० हजार घर परिवारको घरहरुमा असर परेको छ । भूकम्पले घरका छानाहरु बिगार्नुका साथै केही घरको भौतिक संरचनामा पनि नराम्ररी असर पारेको छ । विशेषगरि टाइल लगाएका घरका टाइलहरु उप्किएर घरका छतहरु भत्किएको जापानी टेलिभिजनहरुले दृश्य प्रशारण गरेका छन् ।

जापानको पश्चिम समुन्द्री क्षेत्र टोटोरीलाई केन्द्र बनाएर आएको भूकम्पपछि सो क्षेत्र वरपर विद्युत सेवा अवरुद्ध छ । केही समयका लागि रोकिएको रेल सेवाहरु साँझबाट सुचारु भएका छन् ।

केही स्थानमा बैंक तथा एटीएम सेवाहरु समेत अवरुद्ध भएका छन् । केही स्थानमा भने साँझबाट सुचारु भएको छ ।

समाचार अनुसार ओकायामा शहरमा ७० बर्षिय एक महिलाको दाहिने खुट्टा भाँचिएको छ । महिलालाई अस्पताल भर्ना गरिएको र अन्य पाँच व्यक्ति पनि घाइते भएको खवर आएका छन् ।

भूकम्पको मापन टोट्टोरी प्रान्तको केही स्थानमा ७ रेक्टरको पनि देखिएको छ र टोट्टोरी प्रान्त र ओकायामा प्रान्तमा ५ रेक्टरसम्मको मापन देखाएको छ ।

भूकम्पपछि ओकायामा विमानस्थलमा सुरक्षा जाँच सेवा अवरुद्ध हुन पुग्दा रनवे बन्द गर्नुपरेको थियो । ६.६ रेक्टर स्केलको पहिलो शक्तिशालि भूकम्प पछि साँझ सम्ममा ५ रेक्टरसम्ममा आधा दर्जन बढी भूकम्पका धक्काहरु सोही क्षेत्र भएर गएको छ ।

शक्तिशालि भूकम्पपछि पराकम्पनहरु आउने क्रम जारी रहेको साँझ ९ बजेसम्ममा १४ पटक यस्ता साना ठूला कम्प गएको र यो अझै रहनसक्ने भन्दै प्रशासनले सजगता अपनाउन सुचना जारी गरेको छ ।

जापानमा भूकम्पको ठूलो धक्का, सुनामीको चेतावनी, रेल सेवा अवरुद्ध