जापानब्यापी फुटसलमा आठ टिम भिड्ने

Posted on: October 07, 2016 | views: 440

टोकियो ।
नेपालीहरुको महान चाड बडा दशैंको अवसर पारेर जापानमा हुने दशौं जापानव्यापी फुटसलमा ८ टिमले उपाधिका लागि भिड्ने भएका छन् ।

जापानको सिजुओकामा हुन लागेको दशैंकप जापानब्यापी फुटसल प्रतियोगिताको तयारी पनि अन्तिम चरणमा पुगेको आयोजकले जानकारी दिएको छ ।

नेपाली जनसम्पर्क समीती जापानको आयोजनामा प्रतियोगिता आगामी अक्टोबर ९ तारिखमा हुँदैछ ।

सिजुओकाको माकिगाया फुटसल मैदानमा विहान ११ बजेबाट प्रतियोगिता सुरु हुनेछ । प्रतियोगिताको आयोजना नेपाली जनसम्पर्क समिती जापानले गरेको हो ।

लिग चरणमा हुने खेलको उपाधी विजेतालाई ५० हजार तथा मेडल ,दोश्रो हुनेलाई तीस हजार तथा मेडल, अन्य विधाका उत्कृष्टहरुलाई मेडल तथा प्रमाणपत्र प्रदान गरिने बताइएको छ ।

प्रतियोगितामा सहभागी खेलाडी तथा आयोजकलाई हौस्याउन र खेलको मनोरञ्जन लिन जापानबासी नेपालीहरुलाई उपस्थितिको लागि आयोजकले आग्रह समेत गरेको छ ।