जापानीलाई ४० सकेण्डमा किक हानेर ढाल्ने एक बहादुर नेपाली 'मोहन ड्रागन' (फोटो/भिडियो)

Posted on: October 01, 2016 | views: 4020

टोकियो ।
प्रवासमा रहेर व्यवसायिक किक बक्सिगं खेल्दै आएमा मोहन महर्जन ‘ड्रागन’ ले जापानी खेलाडीलाई उसकै मैदानमा ४० सेकेण्डमा पछारेर किर्तिमानी जित रचेका छन् ।

शुक्रवार राजधानी टोकियोको सुइदोबासीस्थित टोकियो डोममा भएको क्रुस किक वक्सिगं प्रतियोगिताको रोमाञ्चक प्रतिस्प्रधामा मोहनको किक सहन नसकेर जापानी बक्सर ४० सेकेण्डमै ढले ।

जापानी खेलाडी साईतो ताकिहिको १५ मिनेटको खेलमा ५० सेकेण्डमै नकआउट हुँदा मोहन बिजयी बने ।

भिडियो हेर्नुहोस्



६७ किलो तौल समुहमा होक्काईदोका जापानी खेलाडी साईतोलाई सहज हराएका मोहनले जितपनि यो जित आफ्नो नभई जापानमा रहेका नेपालीहरुको हौसला र साथ भएको टपनेपालन्युजलाई प्रतिक्रिया दिए ।

प्रतिस्पर्धामा रिगं छिरेर खेल सुरु हुन नपाउँदै एकोहोरो किक प्रहार गरेका मोहनले लगातार किक प्रहार गर्दा जापानी खेलाडीले छेक्नुबाहेक प्रतिकार गर्न सकेनन् र उनि लगातारको किकपछि रिंगमा ढलेका थिए ।

खेल हेर्न पुगेका सयौं नेपालीहरु हलमा छिर्दा छिर्दै खेल सकिएको थियो । खेल सकिएको थाहा पाएपछि नेपाली खेलाडीले जितेको थाहा पाएर पुगेका नेपाली समर्थक तथा नेपालीहरुले बधाइदिएका थिए ।

यो जितपछि विभिन्न अन्र्तराष्टिय स्तरका प्रतिस्पर्धा खेल्न बाटो खुलेको भन्दै मोहनले जापान सहित, नेपालमा रहेका र विश्वभर रहेका नेपालीहरुको यो जित भएको भन्दै यसरी प्रतिक्रिया दिए ।