विद्यार्थी पनि एनआरएनए बन्न पाउने गरि जापान एनआरएन बिधान सच्याउँदै

Posted on: September 29, 2016 | views: 486

टोकियो ।
अध्ययनका लागि आएका विद्यार्थी पनि एनआरएनए बन्न सक्नेगरि गैरआवासीय नेपाली संघ जापानले बिधान सच्याउने भएको छ ।

ओकिनावामा सम्पन्न वार्षिक साधारणसभाबारे जानकारी दिन आयोजित पत्रकार सम्मेलनमा एनआरएन जापान अध्यक्ष सुदन थापाले आगामी नयाँ कार्यकालमा विद्यार्थी सहित सवै क्षेत्रका नेपालीहरुलाई समान रुपले समेटने गरि विधान संशोधन गर्न लागेको बताए ।

१सय ८२ दिन बढी नेपाल बाहिर बसेका सबै नेपाली गैरआवासीय हुन पाउने भएकाले आगामी कार्यकालबाट कुटनीतिक क्षेत्रका बाहेक विद्यार्थी, कामको लागि आएका लगायतलाई गैरआवासीय नेपाली संघमा आवद्ध गराउने उदेश्य सहित बिधानमा संशोधन गर्न लागिएको थापाको भनाई छ ।

प्रस्ताव गर्न लागिएको बिधान संशोधनमा विद्यार्थी सहित सवै क्षेत्रमा आवद्ध विद्यार्थीको हकमा भने पदाधिकारी पदमा उम्मेदवारी दिन नपाउने तथा आईसीसी सदस्यलाई समेत भोट दिन नपाउने गरि समेट्न लागिएको छ ।

प्रस्तावित नयाँ विधानमा अबदेखी हरेक अधिवेशन अँग्रेजी महिनाको पाँचौ महिना अर्थात मेमा हुने र सदस्यता लिएकाहरुले मात्र निर्वाचनमा भाग लिन पाउने नियम थपिंदैछ ।

यस्तै एनआरएनए जापानको अध्यक्ष लगायतका कार्य समिति सदस्य वाहेकको पदमा उम्मेदवारी दिनका लागि कुनैपनि पदमा एक कार्यकाल विताएको मात्र उम्मेदवारी दिन पाउने व्यवस्था गरिएको छ । यसैगरि अध्यक्ष बन्नका लागि समेत सोही व्यवस्था प्रस्ताव गरिएको छ ।

आगामी कार्यकाल देखि लागुहुने गरि एनआरएनए जापानको १२ वटा क्षेत्रिय तथा केन्द्रको कनैपनि निर्वाचनमा भाग लिएर पराजित भएको व्यक्तिले अन्यकुनैपनि निर्वाचन ‘एनसीसी(आईसीसी’मा भाग लिन नपाउने संशोधित विधान ओकिनावा बैठकले पारित गरेको छ ।

निर्वाचन मात्र नभई निर्वाचन बाहेक मनोनितको हकमा समेत सो व्यवस्था लागुहुने विधानमा प्रस्ताव छ ।
विधानमा आगामी नयाँ कार्यकालबाट लागुहुने गरि केन्द्रको हकमा अध्यक्ष एक जना, वरिष्ठ उपाध्यक्ष एक जना, उपाध्यक्ष दुईजना, नयाँ थप महिला उपाध्यक्ष एक जनाको व्यवस्था गरिने भएको छ ।

महासचिव, सचिव र कोषाध्यक्ष एक जना सहित एक जना सहकोषाध्यक्षको पद थप गरिएको छ । प्रवक्ता सहित चार जना सदस्य सहित महिला सदस्य एक गरि कार्यसमितिले मनोनित गर्ने छ जना सदस्य सहित २१ जनाको कार्यसमिति विधानमा प्रस्ताव गरिएको छ

हाल कायम रहेको ३ जना उपाध्यक्षलाई एक महिला उपाध्यक्ष सहित एक वरिष्ठ उपाध्यक्ष पद थप गरिने भएको छ ।

यसैगरि क्षेत्रीय समितिको हकमा कुल १३ जनाको सख्या रहने गरि एक जना संयोजक दुईजना उपसंयोजक, सचिव सहित थप गरिएको एक जना सहसचिव, कोषाध्यक्ष एक सहित सात जना सदस्य सख्या मात्र रहने प्रस्ताव गरिएको छ। हालसम्म सदस्यमा ८ जना रहेको थियो ।

पत्रकार सम्मेलनमा एनआरएन जापानले स्थापना गरेको आपतकालिन कोषलाई मजबुत र सवैको पहुचमा पुर्याउन सवै नेपालीलाई समेटिने योजना अनुरुप विधान मै संशोधन गर्न लागेको बताइएको छ ।