नेपाल पत्रकार महासंघ जापानको अन्र्तक्रियात्मक पत्रकार भेला सम्पन्न

Posted on: September 25, 2016 | views: 430

९ असोज, टोकियो ।
जापानमा क्रियाशिल पत्रकारहरुको भूमिका, मुद्दा, समस्या, भावी कार्यक्रम लगायतका विषयमा नेपाल पत्रकार महासंघ जापानले अन्र्तक्रिया कार्यक्रम सम्पन्न गरेको छ ।

जापानमा क्रियाशिल दुई दर्जन पत्रकारहरुको सहभागीता रहेको कार्यक्रममा सहभागी विभिन्न मिडिया आवद्ध पत्रकारहरुले आफ्ना बिचार, समस्या र समाधानका उपायहरुबारे धारणा राखेका थिए ।

अन्र्तक्रियामा सहभागी पत्रकारहरुले जापानमा क्रियाशिल पत्रकारहरुबिच समन्वयको अभाव, एउटै समाचार प्रस्तुतीमा तथ्यको भिन्नता, पत्रकारको परिचयपत्र, नेपाल पत्रकार महासंघ जापानले खेलिरहेको भूमिकाका विषयमा आफ्ना धारणा राखेका थिए ।

अन्र्तक्रियामा जापानमा रहेका पत्रकारहरुको लागि कार्यक्रम गर्नको लागि क्लव वा कुनै स्थान लिने, पत्रकारहरुलाई कुनै समस्या आइपर्दा सहयोग गर्नको लागि आपतकालीन कोष खडा गर्ने लगायतका विषयमा समेत छलफल भएको थियो ।

आगामी दिनमा यस्ता छलफल कार्यक्रम र प्रशिक्षण तथा अन्य विषयमा निरन्तर अन्र्तक्रिया कार्यक्रम राख्ने विषयमा समेत सहभागीहरुबिच छलफल भएको थियो ।

कार्यक्रम टोकियो सिनओकुवो स्थित टोकियो रोधिक्लवमा भएको थियो ।

कार्यक्रमा उठेका विषय तथा समाधानको प्रयास, नेपाल पत्रकार महासंघले खेलको भूमिका तथा भावी कार्यक्रमका विषयमा नेपाल पत्रकार महासंघ जापानका अध्यक्ष तिलक मल्लले जवाफ दिनुभएको थियो भने नेपाल पत्रकार महासंघ केन्द्रिय सदस्य रहेर हाल जापानमा रहनुभएकी पवन वर्षा शाह लगायत विभिन्न अनलाईन र पत्रिका आवद्ध पत्रकारहरुको उपस्थिति रहेको थियो ।