टोकियोमा म्ह पुजा र नेपाल संवत ११३७ भव्य रुपमा मनाउने तयारी

Posted on: September 23, 2016 | views: 377

टोकियो ।
नेवा ः अन्तर्राष्ट्रिय फोरम जापानले बर्षेनि आयोजना गर्दै आएको म्ह पुजा यस बर्षपनि गर्ने भएको छ । नेवा फोरमले म्ह पुजासँगै राष्ट्रिय संवत नेपाल सम्वत ११३७ लाई पनि भव्य रुपमा मनाउने भएको छ ।
 
नेपाल एक बहुभाषि, बहु धार्मीक तथा जाति अनि बहु सांस्कृतिले सम्पन्न देश रहेको भन्दै नेवा अन्तराष्ट्रिय फोरम जापानले म्ह पूजा नेवारी समुदायको ठूलो पर्व रहेको बताएको छ ।

म्ह पूजामा आफ्नो जिउ शुद्ध गर्ने हेतुले आफु लगायत सबै परिवार आफन्तजनको पुजा गर्ने गरिन्छ ।

सुख, स्वास्थ्य र शान्तिको कामना गरि एक आपसमा शुभकामना आदान प्रदान पनि गरिन्छ ।

नेवास्अन्तर्राष्ट्रिय फोरम जापानले आफ्नो स्थापनाकाल देखि जापानमा म्ह पुजा भब्यरूपमा मनाऊदै आईरहेकोछ ।

म्ह पुजामा शरिरमा कुनै पनि प्रकारको रोग( व्याद नलागोस् , निरोगी र दिर्घायुको कामना गरी शरिरको पुजा गरिन्छ ।

त्यसै दिन नेपालको राष्ट्रिय संवतको रुपमा मान्यता प्राप्त नेपाल नयाँ वर्ष अथवा न्हूदयाँ भिंतुना ११३७को अवसरमा विगतका बर्षहरुमा जस्तै एकआपसमा शुभकामना आदन प्रदान गरी, मीठामीठा परिकारको भोजन तयार गरी नाच गान सहित हर्षोल्लास साथ मनाउने तयारी नेवा अन्र्तराष्ट्रिय फोरम जापाने गरेको छ ।

जापानमा मनाउँदै आइएको म्ह पूजा तथा नेपाल संवतका कार्यक्रममा नेवार समुदाय मात्र नभएर जापानमा रहेका सबै नेपाली समूदाय तथा जापानी नागरिकहरुको समेत उल्ख्य सहभागिता रहँदै आएको छ ।

विगतमा गोला प्रथाका आधारमा म्ह पूजामा सिमित व्यक्तिलाई सहभागी गराउँदै आएपनि यसपकट भने आयोजकले अग्रिम बुकिगं गरेर नाम टिपाउने सबैलाई सहभागी गराउने भएको छ । तर यसको लागि आयोजक कमिटीका सदस्यहरूलाई सम्पर्क गरेर म्ह पूजाको लागि मण्डप बुकिङ गरिसक्न आग्रह गरिएको छ ।

३१ अक्टोबर सम्ममा नाम टिपाउन आग्रह गर्दै आयोजकले स्थान व्यवस्थापनमा समस्या हुने भन्दै समयमै नाम टिपाउन ईच्छुक सबैमा आग्रह गरेको छ ।

स्मरणीय छ नेवा अन्र्तराष्ट्रिय समाज जापानले जापानमा हुने नेपाल फेस्टिवल सहित सबैखाले नेपाली सांस्कृतिक कार्यक्रममा सहभागी भएर नेपारी कला संस्कृति सहित नृत्य तथा बाजागाजा र भेषभुषाको प्रदर्शन गरेर प्रवासमा नेपाली कला र संस्कृतिको जगेर्ना र प्रवद्र्धन गर्दै आएको छ ।