जापानमा नेपाली विद्यार्थीको निधन

Posted on: September 18, 2016 | views: 5845

२ असोज, टोकियो ।
अध्ययनका लागि जापान आएका रोल्पा घर भएका शिवराज रोका मगरको निधन भएको छ ।

डेढवर्ष अगाडि अध्ययनका लागि जापान आएका ३० वर्षिय शिवराजको इतावासीस्थित एक अस्पतालमा उपचारको क्रममा मृत्यू भएको हो ।

मृतकका साथीहरुले दिएको जानकारी अनुसार गएराती एक्लै कोठामा सुतेका रोका मगर बिहान अचेत अवस्थामा साथिहरुले फेला पारेका थिए ।
तत्काल एम्बुलेन्स बोलाएर अस्पताल लगिएपनि अस्पताल पुर्याउन नपाउँदै चिकित्सकहरुले उसनलाई मृत घोषणा गरेका हुन् ।

केही समय अघिदेखी अस्वस्थ रहेका भनिएका मगर केही महिना यता बेला बेलामा अचेत समेत हुने गरेका थिए । सँगै कोठामा बस्दै आएका साथि प्रेम मल्लका अनुसार बिहान ८ बजेतिर रातीको काम समेर आउँदा साथीले कोठा नखोलेपछि घरवेटीलाई भनेर चावी मागेर ढोका खोलिएको थियो ।

अचेत अवस्थामा मगरलाई देखेपछि एम्बुलेन्सको सहारामा अस्पताल लगिएकोमा मृत घोषणा गरिएको हो ।

मृत्यु भएका मगरको नेपालको घर परिवार लगायतको वारेमा विस्तृत जानकारी आइसकेको छैन । जापानी भाषा अध्ययनको क्रममा रहेका मगरको शव प्रहरीले राखेको छ भने ।

कोठाको खान तलासी तथा कोठामा बस्ने साथिहरुसँग पनि सोधपुछ, अनुसन्धान सहित शवको पोष्ट मार्टम काम भइरहेको छ ।

स्मरणीय छ एक साता अघिमात्र अध्ययनका लागि आएकी एक नेपाली युवतीले आत्महत्या गरेकी थिइन् भने गत महिना मात्र जापानमा अध्ययकै लागि आएका एक युवाको उपचारको क्रममा निधन भएको थियो ।

पछिल्लो समय जापानमा नेपालीहरुको मृत्यु तथा आत्महत्याको क्रम बढेको भएपनि यसबारेमा गम्भिर भएर निराकरणको लागि कुनै पहल गरेको देखिन्न ।

Photo Credit: Nepali In Japan