टीनाको शव आर्थिक अभावमा जापानमै अलपत्र, सहयोगको आव्हान

Posted on: September 15, 2016 | views: 640

टोकियो, जापान ।
आत्महत्या गरेकी नेपाली युवती टीना गुरुङको शव नेपाल पठाउन खर्च अभावमा अलपत्र परेको छ ।

विवाहित रहेपनि जापानमा एक युवासँग बस्दै आएकी भनिएकी टीनाको आत्महत्याको कारण अहिलेसम्म खुल्न सकेको छैन भने टीनाको बुवाले आफ्नी छोरी फिर्ता पाउँ भन्दै लेखिएको पत्र सार्वजनिक भएपछि उनको शव नेपाल पठाउन पहल थालिएको छ ।

गैर आवासिय नेपाली संघ क्युसुले आत्महत्या गर्नु गलत भएपनि आत्महत्या गरिसकेपछि त्यसलाई विधिपूर्वक अन्त्येष्टि गर्न स्वदेश पठाउनु अनिवार्य शर्त भएको भन्दै आर्थिक अभावका कारण टीनाको लास जापानमा अलपत्र परेको बताएको छ । उसले टीनाको शव नेपाल पठाउन आर्थिक सहयोग गर्न सबैसित आव्हान समेत गरेको छ ।

टीनाको शव नेपाल पठाउन १५ लाख बढी लाग्ने भएको र उनको परिवारको आर्थिक अवस्था कमजोर रहेकाले मृतकको परिवारले लास नेपाल पठाउन अनुरोध गरिएको हुँदा त्यसका लागि सम्पूर्ण जापानबासी नेपाली एवं अन्य दानवीरसंग सहयोगको लागि आनुरोध गरिएको छ ।

एनआरएन क्युसुका कोषाध्यक्ष भद्रश्री अधिकारीको नाममा रहेको जापान पोष्ट बैंकको खाता नं. १७७१०-१४४०८३४१ मा जम्मा सहयोग रकम जम्मा भनिएको छ ।

गत वर्ष गएको विनाशकारी भूकम्पबाट पीडित बनेका धादिङ निवासी मृतक टीनाको परिवारको आर्थिक अवस्था अत्यन्त नाजुक रहेको बताईएको छ ।

आफ्नी छोरीको शव नेपाल ल्याउन जापानस्थित नेपाली संघसंस्था समुदायलाई उहाँले पत्रमार्फत आग्रह गर्नुभएको छ ।

हेर्नुहोस् उनको वुवाले लेख्नुभएको पत्र

यसअघि प्रकाशित टीनाको मृत्युबारे प्रकाशित यो समाचार पनि पढ्नुहोस्

जापानमा नेपाली युवती झुण्डिएको अवस्थामा मृत भेटिइन्