जापानमा नेपाली युवती झुण्डिएको अवस्थामा मृत भेटिइन्

Posted on: September 12, 2016 | views: 1431

२७ भदौ, टोकियो ।
जापानमा अध्ययनको लागि आएका एक नेपाली किशोरी झुण्डिएको अवस्थामा मृत फेला परेकी छिन् । नेपाल कास्की पोखरा घर भएको बताइएकी किशोरीको नाम टिना गुरुगं रहेको खुल्न आएको छ ।

सोमबार बिहान आफ्नै कोठाको बाहिर झुण्डिएको अवस्थामा फेला परेकी टिनाले आत्महत्या गरेको बताइएको छ । यद्यपी यसको पुष्टि भइसकेको छैन ।

दुई वर्ष अघि अध्ययनको लागि जापान आएकी टिना हाल क्यूसू किताक्यूसुमा जापानी भाषा अध्ययनरत थिइन् ।

मृत्युको कारण खुलिसकेको छैन भने आत्महत्या गरेको ठानिएकी टिनाले लेखेका कुनै सुसाईड नोट फेला परेको छैन ।

जापानी भाषा अध्ययन सकिन तीन महिना मात्र बाँकी रहेको टिनाले विद्यालयको शुल्क सबै तिरिसकेको बताइएको छ ।

विद्यालयको होस्टल रहेपनि कोठालिएर छुट्टै बसेकी टिना एक नेपाली युवकसँगै कोठामा टुगेदर लिभिंगमा रहेकी थिइन् ।

हाल परिचय नखुलाइएका युवकलाई जापानी प्रहरीले अनुसन्धानको लागि समातेको छ । प्रहरीले अनुसन्धान जारी रहेको भन्दै हत्या वा आत्महत्या भन्ने कुरा केही घण्टामा थाहा हुने बताएको छ ।