भवन भट्टले भूकम्प पीडित राहत रकम दुरुपयोग गरेको समाचारको समिति सदस्यद्धारा खण्डन

Posted on: September 07, 2016 | views: 533

२३ भदौ, टोकियो ।
दुई दिन यता एनआरएन आवद्ध विश्वभरका सदस्य तथा विशेषगरि ब्रिटेन र जापानमा भूकम्प पीडित राहत एनआरएन केन्द्रिय उपाध्यक्ष भवन भट्टले दूरुपयोग गरेको एक समाचारले खुवै चर्चा पायो ।

गत बर्ष बैशाख १२ गते नेपालमा विनाशकारी भूकम्प गएको केही घण्टा नवित्दै तीन करोड रुपैयाँ पीडितका नामको रकम आफ्नो खातामा राखेको भनि आरोप लगाइएका भट्टले व्यक्तिगत रुपमा एक करोड रुपैयाँ भूकम्प पीडितलाई सहयोग गर्ने घोषणा सहित राहत संकलनमा उत्रिएका थिए ।

पीडितलाई आफैंले एक करोड रुपैयाँको धनराशी सहयोग र सहयोग गर्न आफैं विभिन्न भूकम्प प्रभावित क्षेत्रमा पुगेका भट्टले तीन करोड आफ्नो खातामा राखेको समाचार गलत भएको भन्दै भूकम्पपीडित राहत तथा सहयोग समिति जापानका सदस्यहरुले समाचारको खण्डन सहित विज्ञप्ति निकालेका छन् ।

यसरी विज्ञप्ति निकाल्नेमा जापानमा जापानबारे जानकार मानिनुहुने जिज्ञानकुमार थापा, नेपाल पत्रकार महासंघ जापानका अध्यक्ष रहेका तिलक मल्ल र महेश कुमार श्रेष्ठ ।

भूकम्प पीडितको ३ करोड रुपैयाँ एनआरएन उपाध्यक्ष भट्टको निजी खातामा शीर्षकको समाचार प्रति भूकम्पपीडित राहत तथा सहयोग समिति जापानको गम्भीर ध्यानाकर्षण भएको भनि प्रकाशित विज्ञप्तिमा कुनै सत्यता नभएको बताइएको छ ।

भ्रमपूर्ण समाचार प्रति यस समिति खेद प्रकट गर्दछ र उक्त समाचारको भ्रममा नपर्न सम्बन्धित सबैमा अनुरोध गर्दछ विज्ञप्तिमा भनिएको छ यो समिति एनआरएन जापान सहित जापानमा रहेको सिंगो नेपाली समूदायमा क्रियाशील राजनीतिक दलहरुका भातृसंगठन तथा सामाजिक संघसंस्थाहरुका अगुवाहरु सम्मिलित समिति हो । यस समितिको जापान स्थित जापान पोष्ट बैंकको आफ्नै खातामा जापानी येन २ करोड ३० लाख १ हजार ७०३ मौज्दात रहेको र कसैले यसको गलत उपयोग वा दुरुपयोग गर्न सक्ने अवस्था नरहेको कुरा यो समिति सबैमा आश्वस्त पार्दछ ।

विज्ञप्तिमा यसअघि संकलिन रकमबारे स्पष्ट पार्दै पीडितका नाममा सबै रकम समितिले नै उठाएको र कहाँ कसरी खर्च गर्ने भन्ने बारेमा पनि यही समितिले उपयुक्त निर्णय गर्ने बताइएको छ ।

भूकम्पपीडित राहत तथा सहयोग समिति जापान सचिवालय समितिका तर्फबाट सदस्यहरुद्धारा जारी विज्ञप्ति यस्तो छ
 
 
भूकम्पपीडित राहत तथा सहयोग समिति जापानको
प्रेस विज्ञप्ति
 
नेपाल ब्रिटेन डट कममा ६ सेप्टेम्बर २०१६ मा 'भूकम्प पीडितको ३ करोड रुपैयाँ एनआरएन उपाध्यक्ष भट्टको निजी खातामा' शीर्षकको समाचार प्रति भूकम्पपीडित राहत तथा सहयोग समिति जापानको गम्भीर ध्यानाकर्षण भएको छ । उक्त समाचारमा उल्लेख गरिएको विषय र रकममा कुनै सत्यता नभएको जानकारी गराउँदै उक्त भ्रमपूर्ण समाचार प्रति यस समिति खेद प्रकट गर्दछ र उक्त समाचारको भ्रममा नपर्न सम्बन्धित सबैमा अनुरोध गर्दछ ।

यो समिति एनआरएन जापान सहित जापानमा रहेको सिंगो नेपाली समूदायमा क्रियाशील राजनीतिक दलहरुका भातृसंगठन तथा सामाजिक संघसंस्थाहरुका अगुवाहरु सम्मिलित समिति हो । यस समितिको जापान स्थित जापान पोष्ट बैंकको आफ्नै खातामा जापानी येन २ करोड ३० लाख १ हजार ७०३ मौज्दात रहेको र कसैले यसको गलत उपयोग वा दुरुपयोग गर्न सक्ने अवस्था नरहेको कुरा यो समिति सबैमा आश्वस्त पार्दछ ।

स्मरणरहोस, यस अघि पटक पटक गरेर ३ करोड जापानी येन एनआरएनए आइसिसिको नेपालको खातामा समितिको निर्णय अनुसार पठाइएको थियो । यसमा जम्मा भएको सबै रकम समितिले नै उठाएको र कहाँ कसरी खर्च गर्ने भन्ने बारेमा पनि यही समितिले उपयुक्त निर्णय गर्ने कुरा सबैमा अवगत गराउन चाहन्छ । यो रकम एनआरएन आइसिसिको कोषमा पठाउन पटक पटक एनआरएनका पदीय जिम्मेवारीमा रहनुभएका साथीहरुले अनुरोध गर्दै आउनुभएको भए पनि रकमको खर्च कहाँ कसरी हुन्छ र जापानबासी नेपालीहरुको योगदानको पहिचान कसरी हुन सक्छ भन्ने स्पष्ट जानकारी पाउन नसकेकाले कोष जापानमा नै सुरक्षित रहेको कुरा पनि यसै अवसरमा जानकारी गराउदै उक्त मौज्दात रकम कहाँ कसरी खर्च गर्ने भन्ने विषयमा यस समितिले निकट भविष्यमै उपयुक्त निर्णय लिने कुरा अवगत गराउँदछौं । यस समितिको नाममा रहेको खाता विवरण यसैसाथ संलग्न गरिएको व्यहोरा समेत अवगत गराइन्छ ।
जिम्मेवार मिडिया कर्मीहरुले यसकिसिमका समाचारहरु सम्प्रेषण गर्नु अघि सत्यतथ्य बुझिदिनुहुन पनि यस समिति विनम्र अनुरोध गर्दछ ।

भूकम्पपीडित राहत तथा सहयोग समिति जापान
सचिवालय समितिका तर्फबाट सदस्यहरु
 तिलक मल्ल                 
 महेशकुमार श्रेष्ठ                 
 जिज्ञान कुमार थापा

लिन हैन म दिन एनआरएनमा आवद्ध भएको हुँ, रकम कहीं दुरुपयोग भएको छैन :भवन भट्ट (विज्ञप्ति सहित)