नेपाली जनसम्पर्क समिति जापानको कार्यसमितिद्धारा शपथ ग्रहण, बिवाद यथावत

Posted on: September 05, 2016 | views: 966

२० भदौ, टोकियो ।
पार्टी केन्द्रिय कार्यालयले निर्वाचन रोक्न निर्देशन दिएर निर्वाचन समिति संयोजकले राजिनामा दिइसकेको अवस्थामा नेपाली जनसम्पर्क समितिको एक भेलालो छठौं अधिवेशन सम्पन्न भएको घोषणा गरेको छ ।

जापान स्थित नेपाली काँग्रेसको प्रवासी संगठन नेपाली जनसम्पर्क समिति जापानको छैठौं अधिवेशन टोकियोमा एक समारोहका विच २ वर्षका लागि निर्वाचित भएको घोषणा गरिएको हो ।

निर्वाचीत भनिएको कार्यसमितिका सदस्यहरुले शपथ ग्रहण समेत गरेका छन् । उता निर्वाचनको अन्तिम समयमा वहिष्कारमा उत्रिएको अध्यक्षका दावेदार रोशन केसी समुह भने अझैपनि निर्वाचन प्रक्रियासँगै असहमत रहेको छ ।

केसी समुहको बिरोधका बिच निर्वाचन समितिका संयोजक महेश श्रेष्ठले राजीनामा दिएपछि निर्वाचन समितिका तर्फबाट ज़िम्मेवारी लिदैं मतगणना कार्य सम्पन्न गराएका निर्वाचन समितिका सदस्य मुक्तिराम खनाल९विनोद० ले डिपी कँडेल समुह निर्वाचनमा बिजयी भएको मतगणना सुनाउँदै सपथ खुवाएका हुन् ।

डि.पी.कंडेल नेतृत्वको निर्वाचित कार्यसमितिका अधिकांश सदस्य, जनसम्पर्क समिति जापानका तर्फबाट नेपाली काँग्रेसका तेह्रौँ महाधिवेशन प्रतिनिधिहरू सुभाष लोहनी, पाशागं शेर्पा, राजेन्द्र जम्मरकट्टेल, पुर्व संयोजक भूपिगोविन्द श्रेष्ठ, पूर्व महाधिवेशन प्रतिनिधि कपिलदेव थापा, गणेश नेपाल लगाएतको उपस्थिति रहेको थियो ।

शपथग्रहण लगत्तै बसेको कार्यसमितिको पहिलो औपचारिक भनिएको बैठकपछि नवनिर्वाचित सभापति कंडेलले अहिले देखिएको विवादलाई छिट्टै समाधान गरि सबै पक्षलाई सँगै लिएर अघि बढिने र असन्तुस्ट समुह सहमितिमा आउने विश्वास व्यक्त गरे ।

बैठकले छैठौं महाधिवेशनका क्रममा देखापरेको विवादलाई समाधान गर्न पाँच सदस्यीय एक विवाद समाधान समिति समेत बनाएको छ ।

समितिमा सुभाष लोहनी, भूपिगोविन्द श्रेष्ठ, पासागं शेर्पा, राजेन्द्र जम्मरकट्टेल र पुष्कर जंग थापा रहेको छन् ।

यस्तै यहि सेप्टेम्बर ९ का दिन पर्न गएको मातृपार्टी नेपाली काँग्रेसका संस्थापक नेता वी.पी. कोईराला को १०३ औं जन्मोत्सव भव्य रूपमा मनाउने निर्णय समेत सो बैठकले गरेको छ ।
वीपीको स्मृतिमा गरिने कार्यक्रम सिनओकुबो स्थित नेपालीमुरा हलमा गरिने बताइएको छ ।

नेपाली जनसम्पर्क समिति जापानमा भएको विवाद जान्न यसअघि प्रकाशित यो समाचार पढ्नुहोस्

नेपाली जनसम्पर्क समिति जापान, केसीद्धारा निर्वाचन बहिस्कार, कँडेल समुहद्धारा मतदान सुरु