ग्लोबल सपनाद्धारा फुकुसिमा भूकम्प प्रभावितको लागि कार सहयोग

Posted on: September 05, 2016 | views: 1502

२० भदौ, टोकियो ।
जापानको प्रतिष्ठित व्यवसायिक संस्था ग्लोबल सपनाले फुकुसिमा फुकम्प प्रभावितहरुको सेवामा सहयोग स्वरुप खाना बोक्ने कार सहयोग गरेको छ ।

भूकम्प पछि तंग्रिने क्रममा रहेको फुकुसीमा क्षेत्रमा भूकम्प प्रभावित तथा न्यूक्लियर प्लान्टको असरमा परेका स्थानियको लागि सहयोग गर्दै आएको स्थानिय गैर सरकारी संस्थालाई खाना बोक्ने प्रयोजनमा प्रयोग हुने कार सहयोग गरेको ग्लोवल सपनाका प्रमूख तथा युवा व्यवसायी भुवन अधिकारीले जानकारी दिनुभयो ।

'स्थानिय रुपमा काम गरिरहेको संस्थाको लागि खाना बोक्नको लागि एक बर्षको लागि नयाँ कार सहयोग गरिएको हो' जापानमा सफल युवा व्यवसायिको रुपमा परिचित अधिकारीले सहयोगबारे प्रष्ट पार्दै भन्नुभयो-'यो सहयोग सँधैको लागि नभएर अहिलेको लागि एक बर्षको लागि हो, थप आवश्यक परेमा अनुरोध आएपछि अवस्था हेरेर सहयोग गर्छौं ।'

स्मरणीय छ फुकुसीमा भूकम्प पछि जापानले दोस्रो विश्व युद्धपछिको सबैभन्दा दर्दनाक अवस्था व्यहोरेको थियो ।

सन् २०११ मा आएको ७.१ रेक्टर स्केलको उक्त शक्तिशालि भूकम्प र त्यसपछि आएको सुनामीका कारण १० हजार बढीको मृत्यु भएको थियो भने सयौं बेपत्ता छन् ।