जापानमा अध्ययन गर्ने नेपाली विद्यार्थीलाई खुशीको खवर !

Posted on: September 01, 2016 | views: 29727

१६ भदौ, टोकियो ।
जापानमा अध्ययन गर्न आउने नेपाली सहित विदेशी विद्यार्थीहरुको लागि एउटा खुशीको खवर छ । त्यो हो अब अध्ययन सकेपछि काम खोज्नकै लागि भनेर जापान सरकारले दुई बर्षे भिषा दिने भएको छ ।

तर यो भिषा सिधै दुई बर्ष एकैपटक दिने नभई यसअघि भएको एक बर्षे भिषा अवधिलाई बढाएर उहि प्रावधान अनुसार दुई बर्षको भिषा पाइने व्यवस्था मिलाइएको हो ।

जापानमा पढाइ सकेर जागिर खोज्दा हाल १ बर्ष दिइने भिसालाइ बढिमा २ बर्ष बनाउने सरकारी निर्णय भएको छ ।

बिदेशी बिधार्थीहरुले पढाइ सकेर जागिर खान खोज्दा तुरुन्त नमिले पनि हाल ६ , ६ महिना तोकुतेइ काचुदोउ नामको भिसा दिइने गरिएको छ । जुज भिषाको अवधि बढिमा १ बर्षको हुने व्यवस्था रहि आएको थियो ।

हिजो भएको जापान सरकारको बैठकले विदेशी विद्यार्थीलाई काम खोजेर गर्न थाल्नको लागि २ बर्षको अवधि दिने निर्णयको सबैतिरबाट स्वागत गरिएको छ ।

बिदेशी बिधार्थीहरुले जापानमा जागिर पाउन भन्ने सरकारको धारणा भएको र जागिर खाने कोशिस गरिरहेको प्रमाणको लागी स्थानिय सरकारले आयोजना गर्ने जब फेयर कार्यक्रमहरुमा भाग लिएको हुनुपर्ने यसअघिका नियम भने यथावत रहेका छन् ।

प्रिफेक्चरल गबरमेन्टको सल्लाहकारको रुपमा आफुले पनि विदेशी विद्यार्थीहरुको लागि अध्ययनपछि काम खोज्न दिइने गरेको एक बर्षको अवधि बढाउन पहल गरेको भन्दै जापान सरकारको यस निर्णयपछि नेपाली विद्यार्थीहरुलाई थेरै राहत मिलेको जिज्ञानकुमार थापाले बताउनुभयो ।

खुसीको खवर । जापानमा अध्ययन गर्ने विद्यार्थीलाई Green Card सहित काम गर्ने सुविधा