रामेछाप समाज जापानको अध्यक्षमा उत्तम श्रेष्ठ सर्वसम्मत चयन

Posted on: August 29, 2016 | views: 635

टोकियो ।
जापानमा रामेछाप जिल्लाबाट बसोबास गर्दै आएका नेपालीहरुको समाज रामेछाप समाज जापानको पहिलो अधिवेशन सम्पन्न भएको छ ।

यही अगष्ट २८ तारिखका दिन सम्पन्न अधिवेशनले उत्तम कुमार श्रेष्ठको अध्यक्षतामा कार्यसमिति सर्वसम्मत रुपमा चयन गरेको छ ।

१७ जनाको कार्य समितिमा अध्यक्षमा श्रेष्ठ सँगै उपाध्यक्षमा रिजन लामासँगै टाशी लामा, सोमबहादुर लामा, मनोज कुमार थिङ्गलाई चयन गरेको छ ।

यसैगरि महासचिवमा शिक्षा शान्ति वाईबा, सचिवमा शशिकला मोक्तान, जानुका श्रेष्ठ, कोषाध्यक्षमा पुर्ण सिङ लामा महाधिवेशनबाट चुनिनु हुनुभएको छ ।

सदस्यहरुमा नबिन बस्नेत, तेज लामा, प्रकाश श्रेष्ठ, बिनुका खड्का, यज्ञ राज श्रेष्ठ, बालकृष्ण श्रेष्ठ, हेम थापा, स्मृति मोक्तान रहनुभएको छ ।

संरक्षकमा सोनाम शेर्पा सल्लाहाकारमा निकेश श्रेष्ठ, परशुराम बस्नेत, सुरेन्द्रलाल श्रेष्ठ, कर्मा वान्गेल लामा, शान्त पहरी, चन्द्रमान तामांग चयन हुनुभएको छ ।

रामेछापबाट जापानमा विभिन्न पेशा, व्यवसाय तथा अध्ययनको लागि आएर बसेका नेपालीहरुको साझा हित र रामेछाप जिल्लासँगै नेपालमा समाजिक हितमा काम गर्ने उदेश्य सहित संस्था गठन गरिएको प्रथम अध्यक्ष उत्तम श्रेष्ठले टपनेपालन्युजडटकमलाई जानकारी दिनुभयो ।

'यो जापानमा रहनुभएका सबै रामेछापबासी नेपालीको साझा संस्था हो' अध्यक्ष उत्तम श्रेष्ठले भन्नुभयो-'यसले रामेछापबासी नेपाली र समग्र नेपाल र नेपालीको हितमा काम गर्नेछ ।'