इकेबुकुरो पछि मेगुरोमा धुम मच्चाउँदै सुनिता, प्रकाश र बैकुण्ठ

Posted on: August 29, 2016 | views: 1012

टोकियो ।
चर्चित गायिका सुनिता दुलाल, गायक प्रकाश कटुवाल र लोक गायक बैकुण्ठ महतले जापानका नेपाली चेलीहरुलाई आफ्नो पहिलो सांगितिक कार्यक्रममा भरपूर मनोरञ्जन दिलाएका छन् ।

 ‘म नेपाली ग्रुप’ जापानले आयोजना गरेको दुई दिवसीय ‘तीज महोत्सव २०१६’ को पहिलो दिन अगष्ट २८ तारिखमा इकेबुकुरो कुमिन सेन्टरमा गायक गायिकाहरुसँगै सयौं नेपाली महिलाहरुले नाचगान गरेर रमाइलो गरेका छन् ।

आयोजकले हलको क्षमता भन्दा दोब्बर संख्यामा दर्शक आएको भन्दै धेरैलाई फर्काउनु परेको दाबी गरेको छ । खचाखच भरिएको हलमा गायिका सुनिता, गायक द्धय प्रकाश र बैकुण्ठले उपस्थितलाई भरपुर मनोरञ्जन दिलाएका थिए ।

पहिलो दिनको कार्यक्रम सफल भएपछि हौसिएको आयोजकले ३० तारिख मंगलबार मेगुरो कुमिन सेन्टरमा हुने कार्यक्रम झनै भव्य हुने अपेक्षा गरेको छ ।


३० तारिख मेगुरो कुमिन सेन्टरमा ३ बजे हुने कार्यक्रमको सम्पूर्ण तयारी सकिएको बताएको आयोजकले कार्यक्रममा सहभागी हुन चाहने सबैलाई समयमै उपस्थित भइदिन अनुरोध गरेको छ ।