सन् २०२० को लागि ओलम्पिक झन्डा जापान ल्याइयो

Posted on: August 25, 2016 | views: 295

९ भदौ, टोकियो ।
आगामी विश्व ओलम्पिक आयोजना गर्ने भएको जापानले ग्रिष्मकालिन ओलम्पिकको लागि रियो ओलम्पिकको समापनपछि आधिकारीक ओलम्पिक झण्डा जापानमा ल्याएको छ ।

सन् २०२० को ओलम्पिक आयोजना गर्नको लागि अहिलेदेखिनै विभिन्न तयारीहरु थालिसकेको जापानको टोकियोका गर्भनर युरिको कोइकेले ओलम्पिक झन्डा टोकियोमा फहराएकी छिन् ।

बुधबार रियोबाट विशेष विमान मार्फत आफ्ना खेलाडीहरु सहित ल्याइइको झण्डा कोइकेले टोकियो हानिमब एयरपोर्टमा फहराएकी हुन् ।

कोइकेले गत आइतबार ब्राजिलमा भएको रियो ओलम्पिक समापन समारोहमा अन्तराष्ट्रिय ओलिम्पिक कमिटिका अध्यक्ष थोमस बाचको हातबाट ओलम्पिकको झण्डा आगामी ओलम्पिक सञ्चालको लागि पाएकी थिइन् ।

मुख्य रंगशालाको निमार्णमा जोडतोडका साथ लागिरहेको जापानले ओलम्पिक खेल सञ्चालन हुने रंगशाला यसै बर्ष पूरा गर्ने बताएको छ ।

दोस्रो पटक ओलम्पिक आयोजना गर्न लागेको जापानले रियो ओलम्पिकको उद्घाटन र समापनलाई विर्साउनेगरि विशेष बनाउन कुनै कसर बाँकी नराख्ने बताएको छ ।

यसअघि सन् १९६४ मा ओलम्पिकको आयोजना सफल रुपमा सञ्चालन गरेको जापानले यसै बर्षबाट २०२० को ओलम्पिक लक्षित विभिन्न कार्यक्रमहरु सञ्चालनमा ल्याएको छ ।