स्वर्गिय रमेश शव नेपाल पठाइयो, सहयोग रकम ३६ लाख बढी उठ्यो

Posted on: August 23, 2016 | views: 11573

७ भदौ, टोकियो ।
गत साता निधन भएका रमेश तामाङको शव आज नेपाल पठाइएको छ ।

जापानका लागि कार्यवाहक नेपाली राजदूत कृष्ण चन्द्र अर्यालको उपस्थितिमा स्वर्गिय रमेशको आत्माको चिर शान्तिको कामना गर्दै एक मिनेट मौन धारण पछि शव नेपाल पठाइएको छ ।
शव अपरान्ह १२ बजेको उडान मार्फत नेपाल पठाइएको हो ।

दुई बर्ष अघि अध्ययनका लागि जापान आएका तामाङको अगष्ट १५ तारिखका दिन निधन भएपछि आर्थिक सहयोग संकलन गरि शव नेपाल पठाइएको हो ।

नेपाल तामाङ समाज जापानको अगुवाईमा भएको आर्थिक सहयोग संकलनका क्रममा ३६ लाख ३७ हजार ८ सय ११ जापानी येन संकलन भएको समाजले जनाएको छ ।

संकलीत रकम मध्ये ९ लाख १५ हजार ७ सय ८८ येन खर्च भएको समाजले जारी गरेको विज्ञप्तिमा उल्लेख छ ।

आर्थिक अवस्था कमजो रहेका तामाङका वुवाआमाले मृत्यु भएका आफ्ना छोराको शव नेपाल ल्याउन चाहेको भन्दै अन्तिम पटक भनेपनि मृत्यु भएका छोराको मुख हेर्ने इच्छा व्यक्त गरेपछि शवलाई नेपाल पठाउन आर्थिक सहयोग संकलन थालिएको थियो ।

नेपाल तामाङ समाज जापानले थालेको आर्थिक सहयोग संकलनमा विभिन्न संघसंस्था तथा व्यक्तिहरुले स्वस्फूर्त सहयोग गरेका थिए ।

संकलीत रकमबाट रमेशको शव नेपाल पठाएर २७ लाख १२ हजार २३ येन बाँकी रहेको समाजले जनाएको छ ।

उक्त रकमको विषयमा भने समाजले रमेशका परिवारजनलाई दिने हो वा समाजको खातामा राखेर अन्य सामाजिक काममा खर्च गर्ने भन्ने केही निर्णय गरेको छैन ।

तामाङ समाजले आर्थिक सहयोग संकलनमा सहयोग गर्ने सबैप्रति आभार व्यक्त गरेको छ ।

Photo Source: Pasang Sherpa Facebook

रमेशको पार्थिव शरिर नेपाल लैजान नेपाल जापान युथ क्लवद्धारा आर्थिक सहयोग

जापानमा निधन भएका रमेश तस्विर र भिडियोमा

छोरा(रमेश) को अन्तिम पटक मुख हेर्ने बुवा आमाको ईच्छा पुरा गर्न आर्थिक सहयोग जुट्दै

नेपाली विद्यार्थीको जापानमा आकस्मिक निधन