टोकीयोमा भारी बर्षा र आँधी, सयौं उडान प्रभावित

Posted on: August 22, 2016 | views: 23010

मदन पाठक-६ भदौ, टोकियो-जापान ।
भारी बर्षासँगै आएको आँधीका कारण राजधानी टोकियो र आसपासका क्षेत्र प्रभावित भएको छ ।

सोमबार बिहानैदेखी परेको भारी बर्षा र तिब्र गतिको हावाको वेगका कारण राजधानी टोकियोको नारिता बिमानस्थलबाट उड्ने सयौं उडान स्थगित गरिएको क्योदो समाचार संस्थाले जनाएको छ ।

भारी बर्षा र तिव्र गतिको हावाकै कारण सोमबार बिहान चलेका रेलहरु धेरै स्थानमा केही समय रोक्नु परेको थियो भने यसबाट लाखौं यात्रु प्रभावित बनेका थिए ।

पूर्व र उत्तरी जापानमा तूफानसँगै भारी वर्षा हुने मौसम विज्ञान विभागले जनाएको छ ।

आँधी र भारी बर्षाले कान्तो क्षेत्रमा सोमबार बिहान असर गर्ने र होकाइदो तथा उत्तरी क्षेत्रमा असर पार्ने मौसम विज्ञान एजेन्सीले उल्लेख गरेको छ ।

होन्सु क्षेत्र तथा टोकियो क्षेत्रमा बिहानैबाट भारी बर्षासँगै तिब्र गतिको हावा चलिरहेको छ । होकाइदो क्षेत्रमा सोमबार साँझसम्म भारती बर्षा र आँधी आउने बताइएको छ ।

मौसम एजेन्सीले सोमकार बिहानबौ भारी बर्षासँगै तिब्रगतिको हावा चल्ने भन्दै यसअघिनै अत्यावश्यक बाहेकका काममा बाहिर ननिक्लन सुचना जारि गरेको छ ।

यसैबिच एक युवालाई फुकुसीमा प्रान्त लैजाने क्रममा एक तट रक्षकको सोमबार एकाबिहानै मृत्यु भएको छ । तिब्र गतिको हावाको कारण सवार डुंगा डुब्न जाँदा मृत्यु भएको तटरक्षक बललाई उदृत गर्दै जापानटाइम्सले समाचार प्रकाशित गरेको छ ।

उक्त समयमा तटरक्षक बलका सदस्यहरु नदि किनारमा खेल्दै गर्दा बेपत्ता भएका एक एक १८ बर्षीय युवालाई खोज्दै गरेको बताइएको छ ।

मौसम विज्ञान एजेन्सीले अझै अर्को एक आँधीको खतरा रहेको भन्दै समुन्द्र आसपास लहराईरहेको उक्त आँधी विस्तारै पश्चिमबाट दक्षिण तर्फ वहने र यसले राजधानी टोकियो र आसपासको क्षेत्रलाई असर पार्ने बताएको छ ।