नेपाली जनसम्पर्क समिति जापान, केसीद्धारा निर्वाचन बहिस्कार, कँडेल समुहद्धारा मतदान सुरु

Posted on: August 21, 2016 | views: 2108

५ भदौ, टोकियो ।
निर्वाचनको मिति तोकिए लगत्तै स्पष्ट दुई पक्षमा विभाजित देखिएको नेपाली काँग्रेस भातृसंस्था नेपाली जनसम्पर्क समिति जापानको निर्वाचन चर्को बिबादमा मुछिएको छ ।

मतदान हुनु केही घण्टा अघिमात्र नेपाली काँग्रेस केन्द्रिय केन्द्रिय पार्टी कार्यालयबाट क्रियाशिल सदस्य विवादमा नियमानुसार गर्न गराउन भन्दै पत्र प्राप्त भएपछि रोशन केसी प्यानल तत्कालको लागि निर्वाचन स्थगित गराउन भन्दै अभियानमा जुटेको थियो ।
तर निवेदन र अनुरोध नसुनेको भन्दै निर्वाचनमा मतदान सुरुहुनु केही बेर अघि मात्र अध्यक्षका प्रत्याशि रोशन केसीले सामाजिक सञ्जाल फेसबुकमा निर्वाचनमा सहभागीता नजनाएको भन्दै आफ्ना धारणा सार्वजनिक गरेका छन् ।

यस्तो छ केसीद्धारा जारी विज्ञप्ति

श्रीमान निर्वाचन संयोजक ज्यू
निर्वाचन समिति
नेपाली जन सम्पर्क समिति जापान

बिषयस् आज हुन गईरहेको चुनाबमा भाग नलिने सम्बन्धमा

नेपाली जन सम्पर्क समिति जापानको छैठौ अधिवेशन अन्तर्गत आज हुन गईरहेको चुनाब को लागी नेपालबाट स्थान्तरण गर्ने क्रियाशिल सदस्य को सम्बन्ध मा गम्भीर मतभेद भएको अबस्थामा नेपाली कॉंग्रेस केन्द्रिय कार्यालय बाट नेपाली कॉंग्रेस को बिधानमा क्रियाशिल सदस्य स्थान्तरण सम्बन्धमा बिधानमा कुनै पनि व्यवस्था नभएकोले सो बमोजिम गर्नु गराउनु भनि हिजो आएको पत्र उपर उच्च स्तरिय बिबाद समाधान समिति को छलफल हुंदा निर्वाचन संयोजक ज्यु बाट केन्द्र बाट पत्र आईसकेपछि अहिले कै स्थिति मा भोली को निर्वाचन सम्भव नभएको भनिएको तर एक्कासी सबै जना सुतिसकेपछि रात को लगभग २ बजे एक्कासी आज निर्वाचन हुने भनि फ़ेस बुक मार्फत जानकारी गराईएकोले सम्पुर्ण मतदाता अन्योलपुर्ण अबस्थामा रहेका छन तसर्थ आज हुने भनिएको निर्वाचनमा म लगायत हाम्रो समुहको उमेदवारहरु आजको निर्वाचनमा भाग नलिने कुराको जानकारी गराउदछौ ।

रोशन के सी
सभापति पदको उमेदवार
नेपाली जन सम्पर्क समिति जापान
छैठौ महाधिवेशन


श्रीमान निर्वाचन संयोजक ज्यु
निर्वाचन समिति
नेपाली जन सम्पर्क समिति जापान

नेपाली काँग्रेस केन्द्रिय कार्यालयले यसअघि पत्र पठाउँदै क्रियाशिल सदस्य विवाद सम्वन्धमा नेपाल भित्र मात्र ६ महिना अघिनै मतदान गर्नको लागि नाम दर्ता गराए मतदान गर्नसक्ने व्यवस्था मिलाएको भन्दै विदेशको हकमा केही नबोलेकोले सोही अनुसार गर्न गराउन भन्दै अस्पष्ट पत्र पठाएको थियो ।

यस्तो छ नेपाली काँग्रेस पार्टी कार्यालयका मूख्य सचिव कृष्ण प्रसाद पौडेलद्धारा प्रेसित पत्र

यसैबिच नेपाली जनसम्पर्क समिति जापानका अध्यक्ष नारायण सुवेदीले पनि विवाद अन्त्य गरेर मात्र निर्वाचनमा जानुपर्ने भनि पार्टीबाट पत्र प्राप्त भएपनि उपेक्षा गरिएको भन्दै निर्वाचन बहिस्कारको घोषणा गरेका छन् ।

सुवेदीले विज्ञप्ति मार्फत विवाद समाधान नगरी हुन लागेको निर्वाचनमा सहभागी नहुने र यसबाट पर्ने असरको लागि क्षमा प्रार्थी रहेको बताएका छन् ।

बिषय:आज हुन गईरहेको चुनाब को सम्बन्धमा

नेपाली जन सम्पर्क समिति जापानको छैठौ अधिवेशन अन्तर्गत आज हुन गईरहेको चुनाब को लागी नेपालबाट स्थान्तरण गर्ने क्रियाशिल सदस्य को सम्बन्ध मा गम्भीर मतभेद भएको अबस्थामा नेपाली कॉंग्रेस केन्द्रिय कार्यालय बाट नेपाली कॉंग्रेस को बिधानमा क्रियाशिल सदस्य स्थान्तरण सम्बन्धमा बिधानमा कुनै पनि व्यवस्था नभएकोले सो बमोजिम गर्नु गराउनु भनि हिजो आएको पत्र उपर उच्च स्तरिय बिबाद समाधान समिति को छलफल हुंदा निर्वाचन संयोजक ज्यु बाट केन्द्र बाट पत्र आईसकेपछि अहिले कै स्थिति मा भोलि को निर्वाचन सम्भव नभएको भनिएको तर एक्कासी सबै जना सुतिसकेपछि रात को लगभग २ बजे एक्कासी आज निर्वाचन हुने भनि फ़ेस बुक मार्फत जानकारी गराईएकोले सम्पुर्ण मतदाता अन्योलपुर्ण अबस्थामा रहेका छनरतसर्थ आज हुने भनिएको निर्वाचन तत्कालको लागी स्थगित गरी नेपाली कॉंग्रेस को बिधान मा बिदेश को लागी स्थान्तरण को व्यबस्था अनुसार नेपाली कॉंग्रेस केन्द्रिय कार्यालय बाट निर्देशन भए अनुरूप सम्पुर्ण बिबाद को अन्त गरेर मात्र निर्वाचन गर्नु गराउनुहुन अनुरोध गर्दछुरसम्पुर्ण मतदाता मा पर्न जाने असुविधा प्रति क्षमाप्रार्थी छौ
नारायण सुवेदी
सभापति
नेपाली जन सम्पर्क समिति जापान

यता निर्वाचन समितिका संयोजक रहेका महेश कुमार श्रेष्ठले भने पार्टी कार्यालयबाट प्राप्त पत्र अनुसार निर्वाचन स्थगित वा सार्न नभई निर्वाचनको लागि कुनै अवरोध नरहेको व्याख्या भएको भन्दै तोकिएकै समयमा निर्वाचन हुने हिजो नै विज्ञप्ति मार्फत जानकारी गराएका थिए ।

क्रियाशील सदस्यको सदस्यता स्थानान्तरण सम्वन्धी पत्र प्राप्त भएपनि उक्त पत्रको कानुनी व्याख्या गर्दा जनसम्पर्क समिति जापानको निर्वाचन तोकिएकै समयमा गर्न कुुनै असुविधान नरहेको जनाइएको छ ।

यस्तो छ निर्वाचन समितिका संयोजक महेश कुमार श्रेष्ठद्धारा जारी विज्ञप्ति

यहि २०१६ अगस्ट २१ तारिख जन सम्पर्क समिति जापानको निर्वाचन गर्नका लागि निर्वाचन समितिले आफ्नो अन्तिम तयारी गरिरहेको अवस्थामा नेपाली कांग्रेश केन्द्रिय कार्यालयवाट क्रियाशील सदस्यको सदस्यता स्थानान्तर सम्वन्धी पत्र प्राप्त भएता पनि उक्त पत्रको कानुनी व्याख्या गर्दा जनसम्पर्क समिति जापानमा स्थानान्तर गर्दा उक्त पत्र अनुसारको नेपाली कांग्रेसको विधान अनुसार कुनै फरक नपर्ने देखिएकोले भोली तोकिएको समयमा निर्वाचन हुने जानकारी गराउन चाहन्छौंर उक्त पत्रका कारण पर्न गएको असुविधा प्रति क्षमाप्राथी छौंर
भवदीय
महेश कुमार श्रेष्ठ
संयोजक
निर्वाचन समिति

अन्तत निर्वाचन सुरु


पार्टी सभापती शेरबहादुर देउवा प्यानलको रुपमा चिनिएका रोशन केसी समुहले निर्वाचनबाट हात झिकेपनि अन्नत मतदान सुरु भएको छ ।

निर्वाचनमा अध्यक्षका प्रत्यासी रहेका डिपी कँडेल समुहले निर्वाचन बहिस्कार गरेको छैन भने उनलाई रामचन्द्र पौडेल र कृष्ण सिटौलाको समर्थन रहेको बताइन्छ । यद्यपी पार्टी अध्यक्ष देउवाको पनि आफ्नो समुहलाई समर्थन रहेको उनका पक्षधरहरु बताउँछन् ।

कँडेल समुहबाट सभापती पदमा डण्डपानी कँडेल, महामन्त्रीमा रामजंग कार्की, कोषाध्यक्षमा बाबुराम सापकोटा रहेका छन्। खुल्ला सदस्यहरुमा राजेन्द्र प्रसाद जमरकट्टेल, पुस्करजँग थापा, पेम्बा लामा, धुर्वकुमार थापा, प्रेम कंडेल, हरिप्रसाद कडेल, जीवन खड्का, लक्ष्मण थापा, राजन कुमार गिरी, उल्लास पान्डे, कृष्ण गैरे, बद्री पौडेल, शुसिल पौडेल, लक्ष्मण बानीया, भिमलाल गैरे, अशोक शर्मा, सुजन खड्का, कृपन दाहाल, नबिन सागर सापकोटा, राम बहादुर कार्कीको उमेद्वारी रहेको छ ।

महिला तर्फबाट नागोया क्षेत्रकी निबर्तमान सभापती साधना घिमिरे, सुस्मा लामा, गितादेबी कँडेलले उमेदवारी परेको छ । जनजातीतर्फ दिपक बुर्जा मगर, मिनराशी गुरुङ र मेख बहादुर लामा निर्वाचनमा होमिएका छन् ।

यस्तै निर्वाचन बहिस्कार गरेको केसी प्यानलबाट सभापतीमा रोशन केसीको पक्षधर समूहबाट रेशम डंगोल महामन्त्री र सावित्री लामा 'लक्ष्मी' कोषाध्यक्षमा उम्मेदवार छन् ।

के

सीको प्यानलका सदस्यहरुमा एलएन गुरागाई 'लक्ष्मण', पोषकान्त न्यौपाने, कमल आचार्य, नवराज थापा, सुजन जोशी, विष्णुप्रसाद अर्याल, वासुदेव वस्ताकोटी, रामप्रसाद बाँस्तोला, रामशरण रेग्मी, किरण उप्रेती, लक्ष्मी तामाङ, मल्जु क्षेत्री लगायतको उमेद्वारी रहेको थियो ।