लोकप्रिय चलचित्र कालो पोथी जापानमा प्रदर्शन हुँदै

Posted on: August 18, 2016 | views: 867

२ साउन, टोकियो ।
यस बर्षको सर्वाधिक चर्चा र लोकप्रिय बनेको नेपाली चलचित्र कालो पोथी जापानमा पनि प्रदर्शन हुने भएको छ ।

चलचित्र कालो पोथीलाई जापानमा टोक्यो ड्रिम्स ईन्टरटेन्मेन्टले प्रदर्शन गर्न लागेको हो । गतवर्ष बहुचर्चित सफल चलचित्र कबड्डी कबड्डीको सफल प्रदर्शन गरेको टोक्यो ड्रिम्स ईन्टरटेन्मेन्टले कालो पोथीलाई जापानमा प्रदर्शनको अनुमति पाएको हो ।

टोक्यो ड्रिम्स ईन्टरटेन्मेन्टकी अन्जु श्रेष्ठले दिनुभएको जानकारी अनुसार चलचित्र कालो पोथी आगामी सेप्टेम्बर २५ तारिखका दिन प्रदर्शन हुने भएको छ । चलचित्र नाकानो जिरो हल नाकानो कु मा साँझ ५ ः ३० बजेबाट प्रदर्शनको समय तय गरिएको छ ।

चलचित्रको टिकट छिट्टै बुकिगं खुलाउने जनाउँदै श्रेष्ठले चलचित्र प्रदर्शन हुने खवर सार्वजनिक पछि जापानमा रहनुभएका धरै व्यक्तिले चलचित्र टिकटको लागि सम्पर्क गर्न थालेको बताउनुभयो ।

चलचित्र कालो पोथी, अमेरिका अष्टेलिया सहित युरोपका दर्शन बढी देशमा प्रदर्शन भइसकेको छ भने आधा दर्जन देशमा प्रदर्शनको तयारी भइरहेको छ ।

अन्तराष्ट्रिय भेनिस फिल्म फेस्टीवलमा क्रिटिक्स अन्र्तगत उत्कृष्ठ चलचित्रको पुरस्कार जित्न सफल चलचित्रलाई मिन बहादुर बमले निर्देशन गर्नुभएको छ ।