नेपाली विद्यार्थीको जापानमा आकस्मिक निधन

Posted on: August 15, 2016 | views: 822
३१ साउन, टोकियो-जापान ।

अध्ययनका लागि जापान आएका सिन्धुलीका रमेश तामाङको जापानमा निधन भएको छ ।  दुई वर्ष अघि अध्यनको लागी आएका रमेशको टोकियोको एक अस्पतालमा उपचारका क्रममा सोमवार विहान निधन भएको हो ।

हात खुटटा दुखेर उपचारका लागि शनिवार टोकियो ईकेवुकुरो स्थित नागाईसिमा अस्पतालमा भर्ना भएका २२ वर्षिय तामाङको उपचारका क्रममा आज विहान मृत्यु भएको हो ।

उच्च रक्तचापका कारण मृत्यु भएको भनिएपनि मृत्युको वास्तविक कारण खुल्न सकेको छैन ।

अस्पतालले उनको सोमवार विहान ६ वजेर ३० मिनेटमा मृत्यु भएको घोषणा गरेको थियो ।

तामाङको मृत्युको कारण तथा अन्य विषयमा जानकारी लिन सोमवार विहानै जापानका लागि नेपाली कार्यवाहक राजदूत कृष्णचन्द्र अर्याल, गैरआवासीय नेपाली संघ एनआरएनए जापानका अध्यक्ष सुदन थापा, तामाङ समाजका अध्यक्ष कर्मा वाला, रामेछाप समाजका पदाधिकारीहरु अस्पताल पुगेका छन्।
आइतवार साँझको खाना खाएर सुतेका तामाङको केही वेरमा दिसामा रगत देखिएको थियो ।

सो वारेमा तत्काल जानकारी गराए लगत्तै मुटुको धडकनमा समस्या देखिएपछि उनलाइ मसाज तथा पम्पको सहायताले मुटुको धडकन केही सम्हािलिए पछि केही सुधारिएको उनको स्वास्थ्य विहान एक्कासी विग्रीएपछि मृत्यु घोषणा गरिएको थियो । उपचारका क्रममा उनको शरिरमा रगतको प्रसारमा समेत समस्या देखिएको बताईएको छ।
मृतक तामाङको शवको पोस्टमार्टम गर्ने तयारी गरिएको छ ।
मृतक तामाङ सेनमन गाक्कोमा अध्ययनरत थिए ।

 पोस्टमार्टम पछी तामाङको अन्त्येष्टिको निर्णय गरीने भएको छ ।