जन्मदिनमा नौमती बाजा र तिजको गित (फोटो/भिडियो)

Posted on: August 15, 2016 | views: 4875

३१ साउन, टोकियो, जापान ।
गायक सुर्य खड्काले आफ्नी छोरी शुसानी खड्काको पहिलो जन्मदिनमा नौमती बाजा बजाएर फरक ढंगमा मनाएका छन् ।

राजधानी टोकियोको गोतान्दामा एक रेष्टुरण्टमा भएको जन्मदिन कार्यक्रममा बाग्लुंग गल्कोटको नौमती बाजा समुहले गायक खड्काको छोरीको जन्मदिनमा बाजा बजाएको हो ।

सो अवसरमा गायक सुर्य खड्का, विनोद भण्डारी सहित अन्य उपस्थितहरुले नौमती बाजामा गित गाउनुभएको थियो ।

कार्यक्रममा गल्कोट समाज जापानका उपाध्यक्ष तथा समाजसेवी दिलु खत्री, अर्का उपाध्यक्ष नरबहादुर थापा, जापानका नेपाली कलाकार ज्याक खड्का, संगितकर्मी नारायण कँडेल, युवराज आचार्य लगायतको उपस्थिति रहेको थियो ।

आइतबार साँझ भएको जन्मदिन कार्यक्रममा नौमती बाजा सहित उपस्थित महिलाहरुले नजिकिएको तिजको सन्दर्भमा तिज गितमा नाचेर रमाइलो गरेका थिए ।

गायक सुर्य खड्काले फरक ढंगमा मनाइएको छोरीको जन्मदिनबारेमा प्रतिक्रिया दिंदै आफ्नो कला संस्कृतिको बचाउ तथा रमाइलोको लागि भएको बताए ।

भिडियो हेर्नुहोस्