'फेस्टिवल नेपाली समुदायबिच भाईचारा बढाउन र जापानीलाई नेपालबारे जानकारी दिन सफल'-एनआरएन

Posted on: August 11, 2016 | views: 544

२७ साउन, टोकियो ।
नेपाल फेस्टिवल आयोजक संस्था गैर आवासिय नेपाली संघ जापानले नवौं नेपाल फेस्टिवल विगतका बर्षहरुमा भन्दा विशेष रुपमा सफल भएको जनाएको छ ।

नेपाल जापान कुटनीतिक सम्वन्ध स्थापनाको ६० औं बर्ष पनि परेकाले फेस्टिवल नेपाल र जापानबिचको सम्वन्ध थप उचाइमा पुर्याउन सफल भएको जनाएको छ ।

नेपाल फेस्टिवल आयोजक कमिटिका संयोजक सुदन थापाको नाममा जारी विज्ञप्तिमा अतिथि देवो भव : को नारा सहित आयोजित फेस्टिवलमा नेपाली मौलिक कला संस्कृति, भेष भुषाको प्रदर्शनी, विभिन्न जाती जनजातीहरुको झाँकी प्रदर्शनी, लाखें, पञ्चेबाजा, भजन, परेड लगायत नेपाली मौलिक कला संस्तृतिहरुको प्रदर्शनी गरिएको थियो ।

कार्यक्रम सफल पार्न नेपाली राजदूतावास जापा, जापान सरकारका विभिन्न निकाय तथा विभिन्न निकाय र व्यक्तिहरुले निभाएको भूमिकाको लागि धन्यवाद सहित-'आ-आफ्नो स्थानबाट सहयोग गर्नुहुने तपाई सम्पूर्णमा नेपाल फेस्टिवल मूल आयोजक कमिटिको तथा आयोजक संस्था गैर आवासिय नेपाली संघ जापानको तर्फवाट कृतज्ञता व्यक्त गर्दछौं विज्ञिप्तमा भनिएको छ ।'