नेपाल फेस्टिवलको अन्तिम दिन टोकियोमा नेपाल भुलाउने महामेला जारी (फोटो फिचर/भिडियो)

Posted on: August 07, 2016 | views: 665

२३ साउन, टोकियो ।
दुई दिने नेपाल फेस्टिवलको अन्तिम दिन आज राजधानी टोकियोको योयोगी पार्कमा जारी रहेको छ । बिहानैदेखी हजारौंको संख्यामा उपस्थित दर्शकहरु साँझ पर्दै जाँदा थामिनसक्नुको भिड लाग्न थालेको छ ।

बिहान १० बजेदेखी नै नेपाल फेस्टिवलमा दर्शकहरुको चाप बढ्दै गएकोमा अपरान्ह ३ बजेपछि फेस्टिवल अवलोकनका लागि आउनेहरुको संख्या ह्वात्तै बढेको छ ।

पार्कमा दशौं हजार नेपाली, जापानी सहित विभिन्न देशका पर्यटक तथा जापानमा बसोबास गर्दै आएका नागरिकहरुको उत्साहजनक सहभागीता रहेको छ ।

फेस्टिवलमा नेपाली लाखें नाच, जिवित देवि कुमारी प्रस्तुत सहित धिमे, नेवारी बाजा र नाच, नेपाली मौलिक गित संगित र राष्टिय गितहरुमा नृत्यहरु भइरहेको छ ।

मेलामा नेपाली खाना सहित, नेपाल बारे जानकारी दिने स्टल, सेवा प्रदायक कम्पनीहरुको स्टल तथा नेपाली सामान र कपडाहरुको विक्रि कक्ष समेत रहेको छ ।

गैर आवासिय नेपाली संघ जापानले आयोजना गरेको नेपाल फेस्टिवल आज साँझ सम्म जारी रहेने छ ।