भोग्नेहरुको अनुभव-'जापान आउंदै हुनुहुन्छ भने राम्रो संग बुझेर मात्र आउनुहोला'

Posted on: July 14, 2016 | views: 1153

सुमन लाकोजु-

आज मनमा केहि लेखौं लेखौं लगेर आफ्नो जापानमा आउँदाका केहि अनुभव बारे लेख्ने प्रयास गर्दैछु केहि त्रुटी भए माफ गर्नुहोला ।

2014 को अप्रिलमा जापानको चिवा केनको インターナショナルスクール船橋 मा भाषा बिद्यार्थीको रुपमा आएको म ,मनमा विभिन्न सपनाहरु थिए ।

तर जब जापानको बास्तविकताबारे आफैंले अनुभव गरे बिद्यार्थी भएर बस्न नेपालबाटै राम्रो तयारी गरेर मात्र आउनु पर्ने कुराको ज्ञात भयो ।

सुरुका 4 महिना भाषाको कमीका कारणले काम पाईन ,घरबाट लिएर आएको पैसाले जेनतेन जीवन यापन गरे ।

कति साथीहरु त घर फर्कने कुराहरु समेत गर्न थाल्नुभो तर एक अर्कालाई ढाडस दिंदै भाषमा मेहेनत गर्न थाल्यौं शिक्षकहरुको मायालु बातावरणको पढाईले पनि धेरै सहयोग मिल्यो र बिस्तारै विद्यालयले पनि कामको लागि सहयोग गर्नुभयो ।

सबै तिरको व्यवस्था मिलाउदै, काम गर्दै साथै पढाई पनि गर्दै गर्दा अहिले भगवानको कृपाले जापानको SANKEI TRAVEL मा काम गर्दैछु ।

हामी नेपाली बिद्यार्थीहरुको जापानमा आएर रुख मै पैसा टिप्न पाउछ भन्ने मानसिकता छ ,तर बास्तविकता त्यो होइन पहिला आफू जापान आउने जग नेपालमै बसाल्नु पर्ने कुरा सत्य हो ।

नेपालमै अलि राम्रो भाषा बनाएर आएमा यहाँ त्यति गारो नहुने रहेछ । हामी नेपालीमा ज्ञानको कमि छैन तर त्यो ज्ञान यहाँ आएर उपयोग गर्नको लागि नेपालबाटै तयारी गरेर आउनुहुन साथै जापानमा पनि अथक प्रयास एवं मेहेनत आवस्यक छ ।

कोहि जापान आउंदै हुनुहुन्छ भने यहाँको बारेमा राम्रो संग बुझेर मात्र आउनुहोला ।