जापान अध्ययन । विद्यार्थीले आउनुअघि र आएपछि जान्नैपर्ने कुराहरु

Posted on: July 09, 2016 | views: 1277

गोकर्ण अधिकारी-टोकियो ।
तपाई अध्ययनै लागि भनेर जापान आउँदै हुनुहुन्छ ? वा अध्ययन भिषामा आएर कमाउने सोचमा हुनुहुन्छ ? या भनौं एक पन्थ दुई सिकार को सोचमा वा पाइला चालिसक्नुभएको छ ? यि मध्ये कुनै एक हो भने तपाईले कम्तिमा यस्ता कुरा जानिराख्नुस् जसले तपाईले सबै पाइलामा सहयोग पुग्नेछ ।

जापान विश्वका अधिकतम विकसीत देशको सुचिमा पर्ने देश हो । यहाँको विकास सँगै सिप र भाषामा दक्ष भएमा कमाइ पनि राम्रो हुन्छ जापानमा । तर तपाईको लागि सिप र भाषा नै प्रमुख खुड्कीलो हो जसले तपाईको सफलता र असफलतामा निर्णायक भूमिका खेल्छ ।

त्यसो त विद्यार्थीहरुका लागि यि दुई बाहेक केही भिन्न र थप जान्नै पर्ने कुराहरु छन् । जुन कुरा जापान आउनुअघि र जापान आइसकेपछि पालना र व्यवहारमा पछ्याउनैपर्ने हुन्छ ।

खुसीको खवर । जापानमा अध्ययन गर्ने विद्यार्थीलाई Green Card सहित काम गर्ने सुविधा - See more at: http://topnepalnews.com/japan#sthash.PrlKuD83.dpuf

खुसीको खवर । जापानमा अध्ययन गर्ने विद्यार्थीलाई Green Card सहित काम गर्ने सुविधा

विद्यार्थीले जापान आउनुअघि जान्न र सिक्नैपर्ने कुराहरु


१. आफुजान चाहेको कलेज कुन ठाउँ अर्थात् शहरमा छ ? त्यस ठाउँको बारेमा जानकारी बटुल्ने ।

२. कलेज भएको ठाउँमा काम पाउन कत्तिको सजिलो छ ? काम खोज्न अध्ययन गर्ने कलेजले सहयोग गर्छ वा गर्दैन ?

३. जापानमा अध्ययनको लागि नेपालबाट एप्लाई गरिदिन लागेको कन्सल्टेन्सि कत्तिको विश्वासिलो छ ? उसले भनेका सबैकुरा हो वा होइन अरुबाट र आफैंले इन्टरनेटबाट जानकारी बटुलेर उसका कुरा हो होइन बुझ्ने ।

४. कलेजको होस्टेल छ छैन ? होस्टेलको व्यवस्था भएमा लाग्ने शुल्क, सुविधा लगायतका बारेमा जानकारी लिने ।

५. जापान आउनुअघि आवेदन दिंदा केही शब्द जानेर मात्रैपनि एप्लाई गर्दा केही व्यक्तिको भिषा आएको देखेको सुनेको हुनुहोला । यदी त्यस्तो हो र भाषा जापानमै गएर सिकिहालिन्छ नि भन्ने सोचमा हुनुहुन्छ भने यस्तो सोच भने फेरिहाल्नु वा त्याग्नु जरुरी छ । तपाई जापान आउँदै हुनुहुन्छ भने कम्तिमा नेपालमा एन ४ बराबर भन्दा कम्तिको भाषा छ भने तपाईले भाषाकै कारण जति सजिलो सँग काम, कमाई र सजिलो दैनिकि बिताउनुहुनेथियो त्यसको लागि ६ महिना बर्बाद हुने निश्चित छ । त्यसैले पहिलो शर्तको रुपमा भाषा सिकेर आउनुपर्दछ ।

६. विद्यार्थीले जापानमा काम गर्न पाउने समय कति हो ? आम्दानी कतीसम्म हुन्छ नियम अनुसार काम गरेमा ? बढी काम गर्न पाएमा कतिसम्म खट्न सक्नुहुन्छ ?
नियम विपरीत काम गरेको पाएर प्रहरीले समातेर नेपाल फर्काइदिएमा के गर्नुहुन्छ ? यसको पूर्ण मानसिकत तयारी गर्नुहोस् । आम्दानी कतिसम्म र खर्च कति हुन्छ भनेर त्यसको कार्यतालिका आफैं बनाउनुहोस् ।

७. जापानीज भाषा स्कुल सक्किएपछि अर्को सेसनमा थप पढ्न अन्त जान अर्थात् अर्को सेसनमा अध्ययन गर्न कलेजले कत्तिको सहयोग गर्छ वा गर्दैन ? गर्छ भनेपनि के कस्तो सहयोग गर्छ ?


८. म अब अरुको सहायता बिना सबै काम गर्छु, जे पनि गर्छु आफैं गर्छु भन्ने आँट र साहस गर्नुस् ।

९. जापानको सबै नियम, कानुन पालना गर्छु । गर्नैपर्छ गर्छु भन्ने वानी र प्रतिवद्धता गर्नुस् । यति त चलिहाल्छ नि भन्ने सामान्य जस्तो लाग्ने नियम मिच्ने, कानुन उल्लंघन गर्ने बानी र व्यवहार पूर्ण रुपमा त्याग्नुस् ।

१०. जापान आउनेवित्तिकै पैसा कमाइन्छ । कमाउँछु भन्दा पनि संघर्ष गर्छु । अब शुन्यबाट सुरु गर्दैछु भन्ने हेक्का राख्नुस् । जापान आउनु नै सफलता होइन नयाँ संघर्षको सुरुवात हो भन्ने बझु्नुस् ।

११. जापानमा भएका तपाईका साथी, आफन्त, नाता गोता जे जति छन् सबै तपाईका शुभचिन्तक मात्र हुन् सहयोगी होइनन् । त्यसैले जे गर्नुछ मैले आफैं गर्नुछ भन्ने आँट र आत्मविश्वास लिएर जापानको यात्रा थाल्नुस् ।

जापान आउने हुनुभयो, भिषा लाग्यो त्यसो हो भने यस्ता तयारी गर्नुस्


१. आफुले जापान लैजान पाउने सामान र तौलको बारेमा स्पष्ट हुनुहोस् ।

२. अत्यावश्यक र व्यक्तिगत रुपमा आफुलाई चाहिने सामान लिष्ट बनाएर किन्नुहोस् ।

३. नेपालको फेसन वा प्रयोग भन्दा जापानमा प्रयोग हुने र आफुलाई कस्तो सामान चाहिन्छ बुझ्नुहोस् ।

४. कपडा किन्दै हुनुहुन्छ भने जाडो र गर्मी हरेक मौसमको लागि तीन वा चार जोर किन्नुभए हुन्छ । सामान सस्तो वा धेरै महंगो भन्दा पनि मध्यम खालको गुणस्तरीय किन्ने प्रयास गर्नुस् ।

५. मेकअपका सामान, औषधी लगायत साना खालका आफुलाई चाहिने सामानको लिष्ट तयार पारेर ६ महिना जतिको लागि पुग्ने सामान किन्दा हुन्छ ।

६. तपाईले किन्नुपर्ने र ल्याउन चाहेको र ल्याउनै पर्ने कुराहरु सहित सबै सामान जापान आउनु कम्तिमा दुई वा तीन दिन अघि तयार पार्नुस् । जसले गर्दा छुटेका वा अन्य सामानबारेमा तपाईलाई सोच्न र अन्तिम समयमा हतारिनु पर्दैन ।

७. आफ्ना सामान तयार पारेपछि मात्र अरुको सामान बोक्न तथा जापानमा रहनुभएकाहरुको लागि कोसेली सामान तयार पार्नुस् । जसले गर्दा तपाईले बोक्नु पाउनुपर्ने सामान भन्दा बढी हुन नपाओस् र आफ्ना सामान नछुटोस् ।

८. सामान लगिदिनुपर्ने भएमा के सामान, गैर कानुनी वा लैजान नपाइने भन्सार बन्देज सामान हो कि बुझेर मात्र लिनुहोला । जसले गर्दा नेपाल वा जापानको कानुन विपरितको सामान ओसार पसार जान अन्जानमा गरेको नभओस् ।


९. अध्ययनको लागि भाषा कलेजमा पुग्नुपर्ने अन्तिम मिति भन्दा कम्तिमा दुई वा तीन दिनको समय अघि जापान पुग्नेगरि प्लेनको टिकट किन्नुहोस् ।

१०. प्लेनको टिकट किन्दा चिने जानेको मात्र होइन प्लेनको टिकट शुल्क कति लाग्छ बुझेर आधिकारीक व्यक्ति तथा ठाउँबाट मात्र टिकट किन्नुहोस् । साथै कम्तिमा दुई वा सो भन्दा बढी बिमान कम्पनीको शुल्क । बिमान रोकिने ठाउँमा लाग्ने टन्जिट समय लगायत बारेमा जानकारी लिनुस् ।

११. मिलेसम्म पहिलो यात्रामा जानकारी अभाव तथा अल्मलीने र केही झण्झटीलो समेत हुने हुनाले सकभर चिनेजानेको वा कोही जापान पुग्ने व्यक्तिकै साथमा यात्रा गर्दा उत्तम हुनेछ ।

जापान आइपुग्नुभयो भने तपाईको लागि जान्नै पर्ने जापानका केही दैनिक स्वनियम तथा कानुन

१. जापान आइपुग्नु अघि कलेज, नेपालबाट आउने कन्सल्टेन्सी, आफन्त वा साथी कसैलाई एयरपोर्टमा लिन बोलाउनुहोस् । जसले गर्दा एयरपोर्टबाट होस्टेल वा आफन्तकोमा बस्ने हो भने त्यहाँ सम्म पुग्न सहिलो होओस् ।

२. जापान आउने वित्तकै कोयाक्सो अर्थात् सिटी वा वार्ड अफिसमा पुगेर आफ्नो इन्स्योरेन्स बिमा गराउनुहोस् ।

३. अध्यागमन विभागमा पुगेर काम गर्ने अनुमती पत्र बनाउनुहोस् । काम गर्ने अनुमतिपत्र नबनाईकन काम गर्न नपाइने भएको हुनाले यो अनिवार्य र गर्नैपर्ने हुन्छ ।

४. रेलमा यात्रा गर्दा जान्नै पर्ने केही नियमहरु पढेर वा साथीहरु मार्फत् सिक्नुहोस् ।

५. रेलमा यात्रा गर्दा प्रयोग गरिने कार्ड सुइका प्रयोग तरिका, कार्ड बिना टिकट खरिद प्रक्रिया । समस्या परेमा रेल स्टेशन एकीमा भन्नुपर्ने कुरा बारे सामान्य जानकारी लिनुहोस् ।

५.बैंक खाता खोल्नुहोस् । बैंकमा पैसा राख्न, झिक्न तथा अरुलाई पठाउन सिक्नुहोस् ।


६. मोबाइलको सिमकार्ड लिन, कुन कम्पनीको लिंदा सजिलो र फाइदा हुन्छ बुझ्नुहोस् । न्युनतम मासिक कति तिर्नुपर्ने ? बढीमा कति शुल्क लाग्छ ? सेवा सुविधा आदि बारे सबै जानकारी लिएर मात्र मोबाइल लिनुहोस् ।

७. जापानी भाषागत लवज, व्यवहार, आदर सत्कार सम्मान, धन्यवाद आदि दिन सिक्नुहोस् । जसले गर्दा तपाईको जापान बसाई सुखदपुर्ण सुरुवात हुनेछ ।

प्रभुराम भट्टराईको सहयोगमा

खुसीको खवर । जापानमा अध्ययन गर्ने विद्यार्थीलाई Green Card सहित काम गर्ने सुविधा

जापान माइ नम्वर प्रणालीमा समस्या, के तपाईलाई माई नम्वर बारे थाहा छ ?