जापानले आफ्ना नागरिक मारिएपछि अरुलाई फिर्ता ल्याउन बंगलादेश बिमान पठाउने

Posted on: July 03, 2016 | views: 1135

२० असार, एजेन्सी ।
आतंकवादी हमलामा परि आफ्ना सात जना नागरिक मारिएपछि जापानले बंगलादेशमा रहेका आफ्ना नागरिकलाई जापान ल्याउन बिमान पठाउने भएको छ ।

बंगलादेशको राजधानी ढाकामा शुक्रबार एक रेष्टुरेण्टमा भएको आतंकवादी आक्रमणमा परि ७ जापानी नागरिक सहित २० जना बिदेशी नागरिकको मारिएका थिए ।

जापान सरकारले मारिएका भनिएका ७ जना जापानीबारे पुष्टि गर्दै जापान फर्कन चाहने जापानीलाई ल्याउन तत्काल बिमान पठाउने निर्णय गरेको हो ।

जापान सरकारका क्याविनेटका सेक्रेटरी योशिहिडी सुगाले बंगलादेशमा काम गरिरहेका जापानी नागरिकलाई स्वदेश फिर्ता ल्याउन बिमान पठाउन लागेको जानकारी दिएका हुन् ।

योशिहिडीका अनुसार विमानले विदेश मन्त्रालयमा काम गरिरहेका कर्मचारी तथा बंगलादेशमा रहेको जापानी गैरसरकारीसंस्था तथा कम्पनीहरुमा काम गर्ने घटनाका पिडितका परिवार तथा अन्य जापानीहरुलाई फिर्ता ल्याउनेछ ।

स्मरणीय छ दुई साता अघि अफगानिस्तानको राजधानी काबुलमा नेपाली सुरक्षागार्डहरु चढेको एक बसमा भएको आत्मघाती आक्रमणमा परि १३ जना नेपालीको मृत्यु भएको थियो । सो घटनापछि नेपाल सरकारले पनि मृतकका शव र अन्य नेपालीलाई स्वदेश फिर्ता ल्याउन निजि बिमान पठाएको थियो ।