'जापानमा यौन दुर्व्यवहार भयो'-गौरी मल्ल 'हग मात्र गरेको हुँ, जेल हाल्न सक्छु'-अनोज शाक्य

Posted on: June 30, 2016 | views: 9696

१६ असार, काठमाडौं ।
अभिनेत्री गौरी मल्लले जापानमा आफुमाथि यौन हिंसा भएको बताएकी छिन् । कलाकार मल्लले जापानमा बस्दै आएका अनोज शाक्यले आफुमाथि शारीरिक तथा मानसिक दुर्व्यवहार एवं यौन हिंसा भएको बताएकी छिन् ।

नेपाली राजदूतावास र गैर आवासिय नेपाली संघ एनआरएन जापानमा समेत लिखित उजुरी दिएकी मल्लले शाक्यमाथि कारवाही गर्न सघाउन अनुरोध समेत गरेकी छिन् ।

एक महिना लामो जापान बसाईका क्रममा आफुमाथि मल्ले जेठ १८ गते उजुरी दर्ता गराएकी हुन् ।

ललितपुरको भैंसेपाटी घर भई जापानको साइतामा केनमा बस्दै आएका अनोज शाक्यले आफुमाथि दुर्व्यवहार गरेको बताएकी छिन् ।

मल्लले आफुलाई शाक्यले ताकेता गरेर जापान बोलाएको भन्दै जापानका स्थापित फिल्मकर्मीहरुसम्म आफ्नो पहुँच रहेको र जापानको कला क्षेत्रमा काम दिलाउने प्रलोभन देखाएर जापान बोलाएका समेत खुलाएकी छिन् ।

मल्लले अभिनय गरेको सिंहदरवार चलचित्र हेरेपछि आफू प्रभावित भएको भन्दै ती व्यक्तिले इमेल र टेलिफोन गरेर उनलाई तीन लाख रुपैयाँ समेत पठाएर जापान बोलाएका थिए ।

‘आफुलाई जापान बोलाउनुअघि शाक्यले तपाईंजस्तो कलाकार नेपालमा बसेर केही हुँदैन, म तपाईंलाई जापानको कला क्षेत्रमा काम गर्ने अवसर मिलाइदिन्छु र खाने(बस्ने राम्रो प्रवन्ध पनि गरिदिन्छु भनेको समेत खुलस्त पारेकी छिन् ।

क्षतिपुर्ती दिलाइदिन अनुरोध गर्दै उजुरी दिएकी मल्लको उजुरीमाथिको पहल बारे खुल्न सकेको छैन । यसबारेमा टपनेपालन्युजले दूतावाससँग सम्पर्क गरेर जानकारी माग्दैछ ।

यसैबिच आरोपी अनोज शाक्यले भने आफुले दुईपटक हग अर्थात् कसिलो अंगालो मात्र मारेको बताएका छन् । सामाजिक सञ्जाल फेसबुकमा आफुमाथि लागेको आरोपबारे प्रकाशित समाचारको लिंक राख्दै शाक्यले गौरीमल्लको आरोप निराधार भएको बताएका छन् ।

शाक्यले लेखेका छन्-'पैसा पनि लिने, क्यामरा पनि चोरेर लाने, जापानी नक्काली बिहे पनि गर्ने इज्जत नभएकी कलाकार हो गौरी मल्ल । मैले तिमी सँग २ पतक हग बाहेक केहि गरेछ ?
मैले माफी होईन नक्कली बिहेको अभियोगमा जेल हाल्न भन्छु ।'