नेपाल फेस्टिवल जापानको खाना स्टल बुकिंग आज अन्तिम दिन

Posted on: June 29, 2016 | views: 552

१५ असार, टोकियो ।
जापानमा हुन लागेको नवौं नेपाल फेस्टिवलको खाना स्टल बुकिंग आज अन्तिम दिन भएकाले समयमै स्टल बुक गर्न आग्रह गरिएको छ ।

नेपाल फेस्टिवललाई नाफा घाटाको ब्यापारको रुपमा मात्र नहेरी प्रत्यक्ष नेपाल र नेपालीको प्रतिष्ठा संग जोडिएको कार्यक्रम पनि भएको भन्दै आयोजक संस्था एनआरएन जापानका अध्यक्ष सुदन थापाले आज समयमै स्टल बुक गराउन आग्रह गर्नुभएको छ ।

नेपाल र नेपालीका निम्ति नेपालीले आयोजना गरिएको कार्यक्रम भएकाले नेपालको लागि हुन लागेको कार्यक्रममा आफ्नो सहभागीताको लागि पनि व्यवसायिहरुलाई स्टल बुक गराउन आग्रह गर्नुभएको छ ।

नेपाल फेस्टिवल जापानमा रहेका संघ संस्था, बुद्धिजिबी, पत्रकार, बिधार्थी, कामदार, ब्यबसायी, नेपाललाई मायागर्नेहरुको साझा कार्यक्रम हो अध्यक्ष थापाले भन्नुभएको छ तपाई हरुले सहयोग गर्नु भएको १ येन ले पनि नेपाल र नेपालीको प्रतिष्ठा संग जोडिएको कार्यक्रम भब्य, सभ्य रुपमा सफल हुन सक्छ आफ्नो आफ्नो ठाउँ बाट सम्पूर्ण महानुभाबहरु लाई सहयोगको निम्ति अपिल गर्दछु ।

यो वर्ष बिशेष रुपमा नेपाल जापान कुटनीतिक सम्बन्ध को ६० औं वर्ष गांठको अवसरमा नेपाल फेस्टिबलको आयोजना हुन लागेको हो ।
नेपाल डे जस्ता विशेष कार्यक्रमले नेपाल र जापान बीचको सम्बन्ध झन् प्रगाड हुने विश्वास लिइएको छ ।

नेपाल फेस्टिबलबाट आर्जित सम्पूर्ण रकम एनआरएन जापानले स्थापना गर्न लागेको ५ करोडको आपतकालीन कोषमा जम्मा हुने अध्यक्ष थापाको भनाई छ ।

'नेपाल डे फेस्टिवल' अतिथि देवो भव : 'नेपालको चिनारि र एकता प्रदर्शनको अवसर'-अध्यक्ष थापा