'नेपाल डे फेस्टिवल' अतिथि देवो भव : 'नेपालको चिनारि र एकता प्रदर्शनको अवसर'-अध्यक्ष थापा

Posted on: June 26, 2016 | views: 736

१३ असार, टोकियो ।
आगामी अगष्ट ६ र ७ तारिकमा जापानमा हुन लागेको नेपाल डे फेस्टिवललाई अतिथि देवो भवका रुपमा अघि बढाइने भएको छ ।

यसअघि जापानमा नेपाल चिनाउने अवसर र नेपाली बिच भेटघाटमा सिमित हुने ठानिएको नेपाल डेलाई आयोजक संस्था एनआरएन जापानले जापानी नागरिकलाई नेपाल चिनाउने र नेपालमा पर्यटकको रुपमा पठाउने लक्ष्य अघि सारेको छ ।

गैर आवासिय नेपाली संघले यसअघि नै घोषणा गरेको अतिथि देवो भवको नारालाई आत्मसाथ गर्दै एनआरएन जापनले नेपाल डे फेस्टिवललाई नेपालको पर्यटनसँग जोडेर अघि सारेको हो ।
अतिथि देवो भव कार्यक्रमको संयोजकको रुपमा एनआरएन आएसिसीका उपाध्यक्ष भवन भट्न रहनुभएको छ ।

नेपाल डे फेस्टिबल २०१६ को मुल आयोजक समितिको पाचौं बैठकले आइतबार यस्तो निर्णय गर्दै आफ्ना कार्यक्रमहरुलाई केही परिमार्जन समेत गरेको छ ।

बैठकमा एनआरएन जापानका अध्यक्ष सुदन थापाले नेपाल डे फेस्टिवल जापानमा सिङ्गो नेपालको चिनारि र नेपालको एकता कायम हुने सौभाग्य भएको बताउनुभयो । थापाले सौहार्दपुर्ण बातावरणमा पुर्ण मर्यादित ढंगले कार्यक्रम सम्पन्न गर्न र सहभागी हुन र गराउन आव्हान समेत गर्नुभएको छ ।

बैठकमा उपस्थित बिभागिय प्रमुखहरुले आ-आफ्नो बिभागको प्रगति बिबरण पेश गरेका थिए ।

गत हप्ता जापानमा रहेका नेपाली ब्यावसायीहरुसंग भएको छलफलमा नेपाली खानाको स्टलहरु बढि भएको साथै निर्णय लिने समय छोटो भएको गुणासोलाई मध्यनजर राख्दै आजको बैठकले नेपाल डे फेस्टेबलमा २० वटा भन्दा बढी खानाको स्टल नराख्ने साथै स्टलको बुकिङ गर्ने अन्तिम मितिलाई सारेर अगमी जुन २९ तारिखसम्मको लागि थप गर्ने निर्णय गरेको छ ।

बैठकले खानाको स्टल सिमित भएकोले समयमै आफ्नो लागि स्टल बुकिङ गर्नको लागि खानाको स्टल ब्यबस्थापन समिति मार्फत ब्यबसायीहरुलाई यथासिघ्र खबर गर्ने निर्णय समेत गरेका छन।

बैठकले नेपाल डे फेस्टिबल उद्घाटनका दिन मह जात्रामा र फेस्टिबलमा सहयोग गर्नुहुने प्रायोजकहरुलाई सधन्यवाद सहित प्रशंसा पत्रबाट सम्मानि गर्ने निर्णय गरेको एनआरएन जापान सचिव बुद्धिराज घिमिरेले जानकारी दिनुभयो ।

बैठकले आजका मितिसम्म स्टल र आर्थिक सहयोग संकलनलाई बढि प्राथमिकता दिएको भएपनि अबदेखी सबै बिभागहरुले आआफ्नो क्षेत्र अन्तरगत पर्ने कार्यहरुलाई युद्धस्तरमा अघि बढाउन समेत निर्देश दिएको छ ।

यस्तै बैठकले जापानमा रहेका संघसंस्थाहरुका लागि ५०,००० येनमा स्टल उपलब्द गराउने निर्णय गरेको छ । तर यो सहुलित दरमा उनीहरुले आफ्नो क्षेत्र, संस्कृति, भाषा, भेषभूषाको प्रबर्धन बाहेकको कृयाकलापहरु गर्न र गराउन पाउने छैनन ।

यस दुई दिने महामेलामा जापानमा कार्यरत नेपाली तथा जापानी चिकिस्तकहरुले निशुल्क स्वस्थ्य परामार्श सेवा समेत दिने भएका छन ।

यस महामेलामा नेपाल र नेपालीको चिनारिको साथै नेपालको ब्यापारिक पक्ष संगै पर्यटन प्रवद्धन तिर बिशेष केन्द्रित रहने छ भने यसको मुल नारा 'अतिथि देव भव:' रहने बैठकले गरेको छ ।

जापान नेपाल डे फेस्टिवल स्टल बुकिङ जुन २५ तारिक सम्म

एनआरएन जापान सुविधा सम्पन्न विद्यालय वा जापान भिलेज बनाउँदै

जापान 'नेपाल डे फेस्टिवल'को सूचना

नेपाल फेस्टिवल स्टल बुकिङ खुल्ला, आयोजक सहित विभिन्न समिति गठन"