नेपाली कराते टोली अन्तर्राष्ट्रिय प्रतियोगितामा प्रतिस्पर्धा गर्न जापान आइपुग्यो

Posted on: June 26, 2016 | views: 350

१२ असार, टोकियो ।
नेपाली कराते टोली अन्तर्राष्ट्रिय कराते प्रतियोगितामा भाग लिन जापान आइपुगेको छ ।

यसै साता हुने प्रतियोगितामा नेपाल सहित १७ देशका खेलाडीले भाग लिंदैछन् ।

प्रतियोगितामा ४५ केजी तौल समूहमा लाक्पा दोर्जे शेर्पा र सुष्मा तामाङ तथा ५० केजीभन्दा माथिमा सुष्मा श्रेष्ठले भाग लिँदैछन् । टोलीमा तीन खेलाडी प्रशिक्षक सहित छ जना सहभागी छन् ।

यसअघि शेर्पाले दक्षिण एसियाली खेलकुदमा स्वर्ण पदक जितेका थिए भने तामाङ र श्रेष्ठले अन्तर्राष्ट्रिय प्रतियोगितामा पहिलोपटक सहभागिता जनाउँदैछन् ।

टोलीमा नेपाल वादो फेडेरेसनका अध्यक्ष सञ्जय लामा, सचिव ओमप्रसाद ढकाल र प्रशिक्षक अरुणकुमार कार्की सहभागी रहेका छन् ।