एनआरएन जापान सुविधा सम्पन्न विद्यालय वा जापान भिलेज बनाउँदै

Posted on: June 23, 2016 | views: 6089

९ असार, टोकियो ।
गैर आवासिय नेपाली संघ जापानले भूकम्प राहत कोषबाट जापानवासीको सुझावका आधारमा नेपालमा सुविधा सम्पन्न विद्यालय वा जापान भिलेज बनाउने भएको छ ।

गैर आवासिय नेपाली संघ एनआरएनए आइसिसीका उपाध्यक्ष भवन भट्टको संयोजकत्वमा बसेको भूकम्प राहत कोष खर्च छलफल अनुसार भूकम्पबाट अति प्रभावित क्षेत्रमा प्राप्त सुझावका आधारमा कुनै एक स्थानमा सुविधा सम्पन्न विद्यालय वा नमुना जापान भिलेज बनाउने निर्णय भएको सचिव बुद्धिराज घिमिरेले टपनेपालन्युजडटकमलाई जानकारी दिनुभयो ।

सचिव घिमिरेका अनुसार बैठकमा उपस्थित एनआरएन पदाधिकारी तथा विभिन्न संघसंस्थाका प्रतिनिधिहरुको सुझावका आधारमा यस्तो निर्णय गरिएको हो ।
यस बाहेक जापानबासी नेपालीहरुले दिने सुझावका आधारमा छिट्टै बस्ने अर्को बैठकबाट जिल्ला र स्थान छनौट गरि विद्यालय वा नमुना जापान भिलेज बनाउने बारेमा ठोस निर्णय गरिने छ ।

एनआरएनको कार्यालयमा बसेको बैठकमा प्लस टु सम्मको विद्यालय सोलार, कम्प्युटर सहितको निर्माणको लागि खर्च पुग्ने अनुमान गरिएको थियो । नमुना जापान भिलेज निर्माणको लागि रकम र घरको बनौट आदिलाई हेरेर खातामा रहेको रकम र अपुग भएमा केही रकम जुटाउने विषयमा समेत बैठकमा छलफल भएको छ ।

यसरी निर्माण गरिने विद्यालय भवन वा जापान भिलेजमा सामुदायीक भवन रहने र त्यसमा भूकम्प राहत कोषमा सहयोग गर्ने दाता तथा संघसंस्थाहरुको नाम राख्ने विषयमा समेत बैठकले अर्को बैठकमा हुने निर्णय अनुसार काम गर्ने भएको छ ।

छलफलमा एनआरएनए आइसिसी उपाध्यक्ष भवन भट्ट, एनआरएनए जापानका संरक्षक तथा संस्थापक अध्यक्ष राजन प्रधानान्ग,आइसिसि सदस्य ओम गुरुगं, एनआरएन जापान अध्यक्ष सुदन थापा, उपाध्यक्ष टासी लामा, कोषाध्यक्ष दिपक थापा आइसिसी यवा प्रतिनिधि लेलिन भट्टचन, कार्य समिति सदस्यहरु राम थापा, प्रल्हाद सिंह महत लगायतको सहभागीता रहेको थियो ।

यस्तै छलफलमा नेपाल आदिवासी जनजाति महासंघ, जापानका अध्यक्ष पासाङ शेर्पा, जनसम्पर्क समिति जापानका प्रतिनिधि महामन्त्री राजेन्द्र जमरकट्टेल,लमजुन्ग समाजका उपाध्यक्ष लिल गुरुन्ग,ज्यों सुज़ुकी,केशव थापा,ललित क्षेत्रि,नारायण अर्याल लगायत विभिन्न संघसंस्थाका प्रतिनिधिहरु सहभागी हुनुभएको थियो ।

छलफल अनुसार एनआरएन जापानले दिएको भूकम्प राहत कोषमा जम्मा भएको रकम र खर्चको विवरण सहित बैठकपछि जारी िबज्ञप्तिमा जनाएको छ ।

मिति २०१६.६.२१ तारिख मंगलवार एनआरएनए कार्यालय मा भूकम्प राहत कोष संवन्धि समितिको चौथों बैठक समिति का संयोजक भवन भट्टको संयोजकत्वमा तपसिल बिषयमा छलफल गरि निर्णय भयो ।

छलफल/ निर्णय:-१.) भुकम्प राहत कोषमा हालसम्म ५३०१७,०३४ येन संकलन भएको ।

२.) हाल खातामा २३०१७,०३४ येन मौजात रहेको ।

३.)सरकारी मापदण्ड र निर्माण अनुमति स्वीकृत लिएपछि भुकम्प प्रभावित क्षेत्रमा भवन निर्माणको लागि निःशुल्क आवश्यक जग्गा उपलब्ध हुने स्थानमा -स्कुल(+२ सम्म,सोलार सहित) अथवा -घर(जापान भ्यालेज ) साथै -सामूयिक भवन मध्ये १ उपयुक्त निर्माणको लागि पुन एक पल्ट समितिको राय लिने निर्णय भयो ।

४.)निर्माण हुने स्कुल,घर र सामूयिक भवनमा खातामा राहत रक़म दाख़िला गर्ने संस्था वा ब्यक्ति को नामावली सहित देखिने गरि टिपोट लेख्ने संवन्धि पनि समितिको राय लिने निर्णय भयो ।

भुकम्प राहत समिति
संयोजक