नेपाल पैसा पठाउने भरपर्दो रेमिट्यान्स जेनिथ अब नागोयामा पनि

Posted on: June 17, 2016 | views: 750

३ असार, टोकियो ।
नेपाल पैसा पठाउनको लागि जापानमा भरपर्दो रेमिट्यान्सको रुपमा परिचित स्पिड मनी ट्रान्सफर 'जेनिथ रेमिट' ले जापानको नागोयाबाट पनि कारोबार सुरु गरेको छ ।

बिहिबारबाट औपचारिक सेवा थालेको जेनिथ रेमिट्यान्सको सेवा सुभारम्भ मुगल प्यालेस रेष्टुरेन्टमा एक कार्यक्रमबिच भएको हो ।

नेपालीहरुको वाक्लो बस्ती रहेको नागोया शहरमा आफ्नो सेवा विस्तार पछि नेपालीहरुलाई भरपर्दो र सर्वसुलभ रुपमा नेपाल पैसा पठाउन सजिलो हुने जेनिथ रेमिट्यान्सका जापान निर्देशक तथा मार्केटिङ म्यानेजर नविन निउरेले बताउनुभयो ।

सो अवसरमा जेनिथ रेमिटका निर्देशक तथा समाजसेवी दिलु खत्री, अन्तराष्ट्रिय नेपाली साहित्य समाज 'अनेसास' जापानका अध्यक्ष विष्णुप्रसाद घिमिरे, एनआरएनए जापानका सल्लाहकार डिपी कंडेल, एनआरएनए जापानका सल्लाहकार दिलाराम खरेल, नागोयाका व्यवसायी नरवहादुर थापा, गल्कोट समाज जापानका कोषाध्यक्ष दिपक केसी, गल्कोट समाज नागोयाका रमेश गौतम, एनआरएनए नागोया क्षेत्रीय समितीका अध्यक्ष रामु खरेल लगायतको समेत सहभागिता थियो ।

कार्यक्रममा गैरआवासीय नेपाली संघ 'एनआरएनए' को अन्तराष्ट्रिय समन्वय परिषद 'आईसीसी' सदस्य तथा पूर्व एनआरएनए जापानका अध्यक्ष पारस मणि पोखरेल प्रमुख अतिथी रहनुभएको थियो भने एनआरएनए एसिया प्यासिफिक उपसंयोजक गोविन्द श्रेष्ठ 'रोविन्द्र' को पनि उपस्थिति रहेको थियो ।

नागोया शाखाको प्रमुखमा सागर ढकाल रहनुभएको जेनिथ रेमिटका निर्देशकहरुमा दिलु खत्री, शान्त खत्री र नविन निउरे रहनुभएको छ ।

सन् २०१२ देखि जापानबाट नेपालमा पैसा पठाउनका लागि भरपर्दो माध्यमका रुपमा काम गर्दै आएको स्पिड मनी ट्रान्सफर 'जेनिथ रेमिट' जापानमा रहेका नेपालीबिच लोकप्रिय रहेको छ ।