धुर्मुस सुन्तली फाउण्डेशनमा जापानमा उठ्दैछ सहयोग

Posted on: June 15, 2016 | views: 362

१ असार, काठमाडौं ।
हाँस्य कलाकारद्धय धुर्मुस सुन्तलीले सिन्धुपाल्चोकको गिरान्चौर गाउँमा बनाउन लागेको एकीकृत बस्तीका लागि जापानबाट सहयोग उठ्ने क्रम बढेको छ ।

धुर्मुस सुन्तली फाउण्डेशनलाई भूकम्पबाट ध्वस्त वस्ति निर्माणका लागि हालै नेवाः अन्तर्राष्ट्रिय फोरम जापानले सहयोग हस्तान्तरण गरेको छ ।

समाचार अनुसार धुर्मुस सुन्तली फाउण्डेशन गिरान्चौर एकिकृत बस्ती निर्माणको सहयोगार्थ आर्थिक संकलन अभियान जापानलाई नेवारहरुको क्रियासिल संस्था नेवास् अन्तर्राष्ट्रिय फोरम जापानद्वाराले आर्थिक सहयोग गरेको हो ।

संघको कोष र सक्रिय सदस्यहरुको आर्थिक सहयोगमा कुल ६३००१ येन अभियानका संयोजक शिव तण्डुकारको खातामा पठाइएको संघका उपाध्यक्ष दीपरत्न शाक्यले बताउनु भयो ।

हालसम्म संकलित रकममध्ये ठुलो रकम नेवास् अन्तर्राष्ट्रिय फोरम जापानले गरेको र जापानमा क्रियाशिल संस्थाद्वारा पहिलो सहयोग पठाएकोमा संयोजक शिव तण्डुकारले धन्यबाद ब्यक्त गर्नुभयो ।

आर्थिक संकलन अभियानको १८ औ दिनसम्म कूल ६ लाख ११ हजार ३४१ येन जम्मा भएको छ । यो अभियान आगामी जुन १७ तारिक शुक्रबारसम्म रहने छ ।

राष्ट्र निर्माणमा बिना स्वार्थ लागेको धुर्मुस सुन्तलीको अभियानलाई देश विदेशमा रहेका नेपालीहरुले आफ्नो क्षमता अनुसार आर्थिक सहयोग गर्दै आएका छन् ।