"नेपाल फेस्टिवल स्टल बुकिङ खुल्ला, आयोजक सहित विभिन्न समिति गठन"

Posted on: June 12, 2016 | views: 562

३० जेठ, टोकियो । 

गैर आवासीय नेपाली संघ एनआरएनए जापानको आयोजनामा टोकियोमा हुन लागेको नेपाल फेष्टिवलमा सहभागिताका लागि स्टल बुकिङ खुल्ला गरिएको छ। आगामी अगस्ट ६ र ७ गते टोकियो योयोगी पार्कमा हुन लागेको नेपाल फेस्टिवलको पहिलो बृहत बैठकले स्टल बुकिङ खुल्ला भएको जानकारी दिईयो। सिनोकुबोमा सम्पन्न भएको भेलाले एनआरएनए जापान अध्यक्ष सुदन थापालाई सर्वसम्मत रूपमा मुल आयोजक समितिको संयोजकको जिम्मेवारी दिईएको थियो ।

छलफल कार्यक्रममा सहभागीहरुले नेपाल फेस्टिवल सफल र भब्य रुपमा संम्पन्न गर्न विभिन्न सुझाब राख्नु भएको थियो। नेपाल फेस्टिवल जापान मूल आयोजक कमिटि २०१६ नामक नव गठित कमिटि मातहतमा विभिन्न कमिटिहरू गठन गरिएको थियो यस कमिटिका सदस्यहरु अझै थप गर्न मिल्ने गरि निर्माण गरिएको छ । आउँदो अगष्ट ६ र ७ मा जापानमा हुन गैरहेको नेपाल फेष्टिबलका स्टलहरुको बुकिङ् कार्य जुन १२ तारिक बाट खुल्ला गरिएको आयोजक गैरआवासीय नेपालीसंघ (एनआरएनए ) जापानले जानकारी दिएको छ ।

एनआरएनए जापान मुख्य आयोजक र जापानमा रहेका विभिन्न संघसंस्थाहरुको सहकार्यमा आगामी अगष्ट ६ र ७ मा टोकियोको योयोगी पार्कमा हुन गैरहेको दुई दिवसीय नेपाल फेष्टिवल लाई सभ्य ,भब्य रुपमा सम्पन्न गर्नका निम्ति सम्पूर्ण संघ संस्था बिधार्थी ,बुद्धिजिबी ,पेसाकर्मी लाई सहयोग को निम्ति अपिल गरिएको छ  । नेपाल फेष्टिबलका बाट आर्जित रकम गैर आवासीय नेपाली संघ एनआरएनए जापानले स्थापना गरेको आपतकालीन राहत कोष मा जम्मा गरिनेछ  ।


नेपाल फेष्टिबलको तयारीका लागि तिब्र रुपमा जुटेको आयोजक समितिले ब्यवसायीहरुले आफ़्ना सेवा तथा उत्पादनलाई विक्रि तथा प्रचारप्रसार गर्नका लागि स्टल राख्न चाहने महानुभावहरुलाइ सुसुचित गर्दै स्टलहरु सिमित संख्यामा भएको र बुकिङ्ग कार्य तिब्ररुपमा भैरहेकोले ढिला नगरी समयमै बुकिङ्ग गर्न सम्बन्धित सबैलाई अनुरोध गरेको छ ।


त्यस्तै यो वर्षदेखि नेपाल फेष्टिवल नेपाल र नेपालीलाई चिनाउने दिशामा केन्द्रीत हुन सकोस् भन्ने हेतुले कार्यक्रम तथा प्रस्तुतीहरु विदेशी नागरिकमा लक्षित हुने गरि मञ्चका साँगीतिक तथा अन्य प्रस्तुतीहरुमा नेपाली कला कौशल र चिनारीजन्य सामाग्रीमा बिशेष ध्यान दिई सोहि अनुरुपको तयारीमा जुटेको पनि आयोजक समितिले बताएको छ । फेस्टिवल अबधि भर गैरआवासीय नेपालीसंघ (एनआरएनए ) जापानको कार्यालय बिहान १० बजे बाट बेलुकी ६ बजे सम्म खुल्ला रहने छ l


नेपाल फेष्टिवलका स्टल सम्बन्धि नियमावलीहरु ।


१. दुई दिवसीय फेष्टिवलमा खाद्यजन्य स्टलका लागि प्रतिस्टल ३२ मान येन शुल्क र नेपाल जापान कुटनीतिक सम्बन्धको ६० औ वर्ष गाठ पुनित अबसरमा सम्पूर्ण स्टल हरुको ब्यानर एकै किसिमको बनाइने हुनाले ब्यानर बापत + ३०००० लाग्ने छ। ।

२. अन्य अखाद्यजन्य स्टल तथा सेवामुलक स्टलका लागि प्रति स्टल १० मान येन लाग्ने छ ।

३ . फेष्टिवलमा विक्रि गरिने परिकारहरुको न्युनतम मूल्य प्रति आईटम ५ सय येन हुने छ । साँझ ६ बजेपछि भने यो नियम लागु हुने छैन ।

४ . फेष्टिवलमा स्टल राख्न चाहनेहरुले आयोजक समितिले डिजाईन गरेको आधिकारिक फर्म्याटको फाराम भरि सबै नियमहरु अक्षरश पालना गर्ने छु, भन्ने ब्यहोराको मञ्जुरीसहितको समझदारीपत्रमा सहिछाप गरी आवश्यक शुल्क भुक्तानी गरेको भौचर सहित आवेदन गर्नुपर्ने छ ।

५ . आवेदन एनआरएनए को कार्यालयमा प्रत्यक्ष आएर, हुलाक मार्फत वा इमेल मार्फत पठाउन सकिने छ ।

६ . अन्य थप जानाकारीहरु नेपाल फेष्टिवलको आधिकारिक होमपेज वा स्थानीय मिडियाहरुमार्फ नियमित जानाकारी गराईने छ ।

७ . सम्पर्कका लागि देहायको एनआरएनए जापानको कार्यालयमा सम्पर्क गर्न सकिने छ ।

८ . आवेदकहरुलाई स्टलको स्पेश बितरण गोलाप्रथाद्वारा हुने छ । सोही दिनमा पालना गर्नुपर्ने नियमहरुका बारेमा बिस्तृतमा जानाकारी गराईने छ ।


〒169-0074

東京都 新宿区北新宿1-30-30 柏木ハイツ127

(Shinjuku-Ku, Kita Shinjuku 1-30-30 kashiwagi haitsu 127)


Email:- [email protected]