नेपाली स्वयंसेवी टोली कुमामोतोबाट फिर्ता

Posted on: June 06, 2016 | views: 584

२४ जेठ, जापान ।
नेपाली स्वयंसेवी टोली जापानको कुमामोतो भूकम्प प्रभावित वस्तीमा सहयोगपछि फिर्ता भएको छ ।

प्रल्हादसिंह महतको नेतृत्वमा गएको नेपाली स्वयंसेवी टोली तीनदिने सहयोगपछि फर्कीएको हो ।

कुमामोतो क्षेत्र पुगेको नेपाली टोलीले भूकम्प प्रभावितहरुको घर घरमा पुगेर सरसफाई सहित भूकम्पमा परि भत्किएका घरमा रहेका सामान निकाल्ने लगायत व्यवस्थापनको काम गरेको थियो ।

स्वयंसेवी टोलिमा एनआरएन जापान अध्यक्ष सुदन थापा, एनआरएन जापान सल्लाहकार जिज्ञान कुमार थापा, एनआरएनका सचिव बुद्धीराज घिमिरे, नेत्र ज्ञवाली, केशव थापा, विइ फर अलका अध्यक्ष सरोजकुमार खत्री, योग गुरु नेत्र ज्ञवाली लगायतको सहभागीता रहेको थियो ।

गत अप्रिल १६ तारिखमा गएको ७.३ रेक्टर स्केलको शक्तिशालि भूकम्पमा परि कुमामोतो क्षेत्रमा ५० जनाको मृत्यु भएको थियो ।

हजारौं घाइते र लाखौं विस्थापित भएको सो क्षेत्रमा अझैपनि दशौं हजार व्यक्ति अस्थाई शिविरहरुमा आश्रय लिएर बसिराखेका छन् ।

यसअघि सोही क्षेत्रमा भूकम्प लगत्तै गैर आवसिय नेपाली संघ जापानको नेतृत्वमा गएको एक टोलीले भूकम्प प्रभावितहरुलाई नेपाली खाना सहितको सहयोग गरेको थियो ।

यसैबिच सोही क्षेत्रमा कुमामोतो भूकम्प प्रभावितहरुप्रति नेपाल र नेपालीको तर्फवाट सहानुभुती र ऐक्यबद्धता व्यक्त गर्न पुग्नुभएका जापानका लागि कार्यवाहक नेपाली राजदूत गहेन्द्रराज राजभण्डारी पनि फर्कीनुभएको छ ।


कुमामोतोमा रहँदा कावा राजदूत राजभण्डारीले नेपाली स्वयंसेवी टोलिको कामको निरिक्षण, भूकम्प प्रभावित वस्ति भ्रमण, त्यहाँका गर्भनर, मेयर सहित नेपाली विद्यार्थी र स्थानियसँग भेटघाट र छलफल गर्नुभएको थियो ।

नेपाली टोली जापान कुमामोतो भूकम्प पीडितको सेवा गर्दै (फोटो फिचर)

नेपाल र नेपालीको तर्फवाट कुमामोतो भूकम्प पीडितप्रति सहानुभुती र ऐक्यबद्धता (फोटो फिचर)