जापानमा एसियन रोड रेसिगं च्याम्पियनसिपमा बिक्रमको उत्कृष्ठ प्रदर्शन

Posted on: June 05, 2016 | views: 464

२४ जेठ, टोकियो ।
जापानको सुजुका अन्तराष्ट्रीय सर्किटमा भएको सुज़ुकी एसीएन मोटरसाइकल च्यामपियनसिपमा नेपालका विक्रम थापाले उत्कृष्ठ प्रदर्शन गरेका छन् ।

अन्तिम प्रतिस्पर्धामा उपाधि नपाएपनि उत्कृष्ठ मोटरसाईकल रेस गरेका विक्रमले १५ अौं स्थान हाँसिल गरे ।

खेल हेर्न पुगेका नेपाली र नेपाल प्रति मायां र सद्भाव राख्ने जापानी सहित विदेशीले नेपाली खेलाडीको पहिलो मोटरसाईकल रेस देख्न पाएको भन्दै नेपाली प्रतिस्पर्धी थापालाई हौसला प्रदान गरेका थिए ।


संसारकै प्रसिद्द जापानको यो सर्किटमा नेपाली सहभागी भएर रेसमा प्रतिस्पर्धा गरेको यो पहिलो पटक हो ।

तेस्रो राउण्ड अन्र्तगत भएको यो खेल पछि अब चौथों राउण्डको खेल अगष्त ५ देखि ७ सम्म इन्डोनेसिया मा हुनेछ ।

सन् २०१६ भर चल्ने यो खेल मार्च २२ मा मलेशियाबाट सुरु भई विभिन्न देशमा खेल हुँदै डिसेम्वर २४ तारिखमा थाइल्याण्डमा पुगेर समापन हुनेछ ।

स्तर विहिन नेपालको सडकमा मोटरसाईकल चलाएर पनि अन्र्तराष्टिय मोटरसाईकल रेसमा नेपालीको सहभागीता र प्रदर्शनले नेपालमा पनि मोटरसाईकल रेस खेलको संभावनालाई विक्रम थापाले उजार गरिदिएका छन् ।


सँधैजसो प्रतिस्पर्धा र अभ्यास गर्ने अन्तर्राष्ट्रिय खेलाडिहरूसंग प्रतिस्पर्धा गरेर १५ औं स्थानमा आउनुलाई सबै खेल प्रशंसकहरुले विक्रमको प्रदर्शनलाई उत्कृष्ठ भएको बताएका छन् ।