नेपाल र नेपालीको तर्फवाट कुमामोतो भूकम्प पीडितप्रति सहानुभुती र ऐक्यबद्धता (फोटो फिचर)

Posted on: June 04, 2016 | views: 614

२३ जेठ, कुमामोतो, जापान ।
जापानको कुमामोतो भूकम्प पीडित बस्तीमा पुगेर जापानका लागि नेपाली कार्यवाहक राजदूत गहेन्द्रराज राजभण्डारीले नेपाल सरकार र नेपाली जनताको तर्फवाट सहानुभुती र ऐक्यबद्धता व्यक्त गर्नुभएको छ ।

कावा राजदूत राजभण्डारीले भुकम्प प्रभावित वस्ति सहित कुमामोतोका विशिष्ट व्यक्तिहरुसँग भेटेर गत अप्रिल १६ तारिखमा गएको ७.३ रेक्टर स्केलको शक्तिशालि भूकम्पले कुमामोतो क्षेत्रमा पुर्याएको जनधनको क्षतिमा दुख व्यक्त गर्नुभयो ।

भेटका अवसरमार कावा राजदूत राजभण्डारीले नेपाल सरकार सँगै जापानमा रहेका करिव ६० हजार नेपाली कुमामोतो वासीको दुखको यस घडिमा साथमा रहेको बताउनुभएको थियो ।

राजदूत भण्डारीले सो अवसरमा कुमामोतो सिटिका गर्भनर डा. इकुओ खाबासिमा र कुमामोतो सिटिका मेयर खाजुफुमी ओनीशीसँग छुट्टा छुट्टै भेटवार्ता गर्नुभयो ।


भेटका क्रममा गैर आवासिय नेपाली संघ एनआरएन जापानका अध्यक्ष सुदन थापा एवं एनआरएन सल्लाहकार रहनुभएका जिज्ञानकुमार थापा समेतको उपस्थिति रहेको थियो ।

भेटका अवसरमा नेपाल जापान दौंत्य सम्वन्ध सँगै जापानले गत वर्ष नेपालका भूकम्प प्रभावितहरुलाई गरेको सहयोगको स्मरण गरिएको थियो ।


कुमामोतो वासीको दुखको घडीमा नेपाली जनता साथमा रहेको भन्दै आफुले गत वर्ष नेपाललाई गरेको सहयोगको लागि कुमामोतोका गर्भनर, मेयर सहित जापानी जनतामा सो अवसरमा धन्यवाद व्यक्त गरेको कावा राजदूत राजभण्डारीले टपनेपालन्युज डटकमलाई जानकारी दिनुभयो ।

सो अवसरमा कावा राजदूत गहेन्द्रराज राजभण्डारी सहितको नेपाली टोलीले कुमामोतो भूकम्प प्रभावित क्षेत्रमा रहेका नेपालीहरुसँग भेटघाट गर्नुका साथै भूकम्प पछिको अवस्थाको बारेमा छलफल गरेको थियो ।


यसैगरि कावा राजदूत राजभण्डारीले कुमामोतो भूकम्प प्रभावित बस्तिमा स्वयंसेवा गर्न खटिएको नेपाली टोलिसँगपनि भेटघाट गर्नुका साथै आफ्नै प्रयासमा निशुल्क रुपमा गरिरहेको सेवाको लागि धन्यवाद व्यक्त गर्नुभयो ।


जापानमा रहेका नेपालीहरुको एक टोली स्वस्फूर्त रुपमा हाल कुमामोतो क्षेत्रमा सरसफाई तथा भूकम्पमा परि भत्किएका घरका संरचना हटाउने लगायतका काममा खटिरहेको छ ।

यस्तै भूकम्पबाट प्रभावित भइ मानसिक रुपमा परेको असर कम गर्नकै लागि भनेर नेपाली गोग गुरु नेत्र ज्ञवालीले जापानीहरुलाई योगाभ्यास गराउनुभएको थियो ।


दुखको घडीमा नेपालीहरुले गरेको सहयोग र सद्भावको लागि धन्यवाद व्यक्त गर्दै कुमामोतोवासी जापानीहरुले नेपाल जापानको सँधै असल मित्र रहँदै आएको स्मरण गरेका थिए ।