राजदूत सहितको नेपाली स्वंसेवी टोली कुमामोतो प्रस्थान

Posted on: June 03, 2016 | views: 563
२१ जेठ, टोकियो ।

नेपाली टोली भूकम्प प्रभावित जापानको कुमोमोतोमा स्वयंसेवा गर्न त्यस तर्फ प्रस्थान गरेको छ ।

युवा व्यवसायी प्रल्हादसिंह महतको नेतृत्वमा १० जनाको टोली भूकम्प प्रभावित वस्तिमा सेवा गर्न आज त्यस तर्फ लागेको हो ।

स्वयंसेवी टोलिका प्रमुख महतका अनुसार टोलिमा जापानका लागि नेपाली राजदूत गहेन्द्रराज राजभण्डारीको पनि सहभागीता रहेको छ ।

आज साँझ कुमामोतो पुग्ने टोलिले स्थानिय उद्दार टोली तथा संघ संस्थासँगको सहकार्यमा भूकम्पमा भत्केका संरचना हटाउने, सरसफाई, योग अभ्यास लगायतको सेवा गर्ने भएको छ ।

गत अप्रिल १६ तारिखमा गएको ७.३ रेक्टर स्केलको शक्तिशालि भूकम्प पछि कुमामोतो क्षेत्रका हजारौं जापानी अझैपनि विभिन्न आश्रय स्थलहरुमा बस्दै आएका छन् ।

भूकम्पले भत्काएर संरचना हटाउन अझै महिनौं लाग्ने तथा सरसफाईको कमी भएका कारण नेपाली टोलीले सो क्षेत्रमा सरसफाई सहितको स्वयंसेवा गर्न जान लोको नेपाली टोली प्रमुख प्रल्हाद सिंह महतको भनाई छ ।

टोलिमा जापानका लागि कार्यवाहक नेपाली राजदूत गहेन्द्रराज राजभण्डारी, एनआरएन जापान अध्यक्ष सुदन थापा, एनआरएन जापान सल्लाहकार जिज्ञान कुमार थापा, एनआरएनका सचिव बुद्धीराज घिमिरे, नेत्र ज्ञवाली, केशव थापा, विइ फर अलका अध्यक्ष सरोजकुमार खत्री र योग गुरु नेत्र ज्ञवाली रहनुभएको छ । स्वयंसेवक टोली प्रमुख रहनुभएका महतका अनुसार क्षेत्रबाट आउने स्वयंसेवकहरु हिजोनै सो क्षेत्रमा पुगेको र टोकीयोबाट जाने टोली आज जान लागेको हो ।

नेपाली स्वंसेवी टोलीले आज बेलुकैबाट काम थाल्ने छ भने भोली र पर्सी खटिएर कुमामोतो भूकम्प प्रभावित बस्ती पुगेर सेवा गर्नेछ ।

स्मरणीय छ यसअघि भूकम्प लगत्तै गैर आवसिय नेपाली संघ जापानको नेतृत्वमा नेपाली टोलीले सो क्षेत्रमा पुगेर नेपाली खाना सहितको सेवा पुर्याएको थियो ।

जापान कुमामोतो भूकम्प प्रभावित क्षेत्र सहयोग गर्न जान स्वयंसेवक माग