जापानमा रिसको झोकमा जंगलमा बच्चा छाड्दा बेपत्ता, सयौं सैनिक खोजिमा (घटनाको नालीबेली)

Posted on: June 02, 2016 | views: 1574

२१ जेठ, टोकियो ।
सामान्य घटनाबाट सुरु जापानको एक घटना अहिले विश्वव्यापी समाचार बन्न पुगेको छ । घटना हो चकचके बच्चालाई सजाय दिन आमाबाबुले जंगलमा बच्चा छाडेको र छिनभरमै बेपत्ता भएको  ।

घटना यतीमै सिमित रहेन । यही घटनाका कारण ५ दिनदेखी जापानका सयौं सैनिक जंगलमा बच्चा खोजिरहेका छन् । त्यती मात्र हैन बच्चा खोज्नकै लागि आधा दर्जन हेलिकोप्टर प्रयोग गरिएको छ तै पनि ति बालक भेटिएका छैनन् ।

कसरी भयो यस्तो घटना ?


बेपत्ता बालक ७ बर्षका हुन् । उनको नाम यामातो तानुका हो । होकाइदो प्रान्तको जंगलबाट हराइरहेका बालक आमा बाबुसँगै जंगल क्षेत्रमा रहेको पार्क घुम्न गएका थिए । घटना गत शनिवारको हो ।

घुमेर फर्कने क्रममा यामातोले अन्य गाडी र झ्यालबाट ढुंगा र अन्य साना फोहोरका टुक्राले हाने ।
पटक पटक त्यसो नगर्न भन्दा पनि बालकले नमानेपछि उनका बाबु आमाले उसनलाई सजाय दिन भन्दै गाडीबाट निकालेर सडक किनार छाडे ।

बाबु आमाले जहाँ आफ्नो छोरोलाई छोका थिए । सो ठाउँ एकदमै घना जंगल क्षेत्र रहेको छ । बच्चालाई सजाय दिन भन्दै छाडेर केही पर करिव ५ सय मिटर पर पुगेर ५ मिनेट जति उनिहरु फर्कीए । तर दुर्भाग्यको कुरा । सजाय दिन छाडेको छोरा त्यहाँ भेटिएनन् ।
उनिहरुले झण्डै एक घण्टा धुईपत्तो खोजे । त्यहाँ चल्ने अन्य गाडीहरुलाई रोकेर समेत रोइ कराई गरेर सोधखोज गरे । तर कतै भेटिएनन् । र अन्तत उनिहरु प्रहरीकोमा पुगे र बच्चा यात्राका क्रममा हराएको झुटो रिपोर्ट लेखाए ।

प्रहरीले रिपोर्ट अनुसार खोज्न तत्काल प्रहरी टोलि पठायो । तर बच्चा भेटिएनन् । त्यसपछि प्रहरीले शंका लागेर उनका बाबुआमासँग सोधपुछ गर्दा खास कुरा खुल्यो बच्चालाई सजाय दिन भनेर जंगल बिच छाडिएको घटना ।

त्यसपछि प्रहरीले एक विशेष टोली नै खटाएर खोजविन थाल्यो । उक्त दिन राती अबेर सम्ममा झण्डै दुई सय विशेष उद्दारद्धलका सदस्य सहितको टोलि घना जंगलमा खोजिका लागि छिर्यो । शनिवार सहित आइतबार, सोमबार र मंगलबार दिन रात खोज्दा पनि नभेपछि बुधवार थप विशेष टोली सँगै प्रहरीले हेलिकोप्टर समेत परिचालन गरेर बच्चाको खोज तलास गर्यो तर केही पत्तो लाग्न नसकेपछि प्रहरीले सेना सहितको विशेष टोलिमा झण्डै ७ सय सुरक्षाकर्मी जंगल क्षेत्रमा खटाएको छ ।

जापानी इतिहाँसमै एक बालकको उद्दार र खोजिका लागि यति धेरै सुरक्षाबल लगाएर खोजबिन भइरहेको जापानी सञ्चार माध्यमहरुले उल्लेख गरेका छन् । तर यतिधेरै सैनिक र प्रहरी एवं हेलिकोप्टर र खर्च गरेपनि बालकको अवस्था बिहिबार साँझ सम्मपनि केही पत्तो लाग्न सकेको छैन ।

आमाबाबु आम नजरमा अपराधी


होसेइ युनीभर्सिटीका प्रोफेसर भन्छन् बच्चालाई दिएको यो सजाय सजाय होइन अपराध हो । यस्तै आम भनाईसँगै जापानका चर्चीत सोसल साइटहरु ट्विटर, फेसबु, लाइन, गुगल प्लस लगायतका चार दिन यता बच्चाका आमाबाबु बिरुद्ध तिखा टिप्पणीहरु सुरु भएका छन् ।

एक बालकलाई उसले गरेको सामान्य बाल व्यवहार नबुझेर घना जंगलमा छाड्नु अपराध भएको भन्दै सार्वजनिक रुपमै बालकका आमाबाबुमाथि गम्भिर अपराधमा मुद्दा चलाउनुपर्ने मागहरु उठ्न थालेका छन् ।

पछिल्लो समय बालबालिकालाई सजायका नाममा दिइने गम्भिर अपराधका घटना बढिरहेका बेलामा भएको यो घटनाले जापानमा बालअधिकारको अवस्थाका बारेमा झल्काएको कतिपयले टिप्पणी समेत गरेका छन् ।
अघिल्लो महिना मात्र एक आमाले आफ्नो प्रेमीसँग लागेर आफ्नै बच्चालाई सजाय दिन तातो पानि खन्याइदिएको घटना जापानभर हप्तौंसम्म चर्चामा रहेको थियो ।

कहाँ गए त ७ बर्षका बालक ?


प्रहरीले स्पष्ट नभनेपनि बच्चालाई जंगलि जनावरले लगेको हुनसक्ने मुख्य शंकामा राखेर खोजविन थालेको छ ।
जंगलि जनावरहरु समेत पाइने सो जंगल क्षेत्रमा भालुहरु धेरै पाइने गर्छ । सो जंगल नजिका वस्तिमा समेत भालुको आक्रमणबाट बेलाबेलामा केही व्यक्तिको निधन भएको घटनालाई समेत आधार बनाएर जापानी सञ्चार माध्यमहरुले भालुको आक्रमणमा परेको आशंका गरेका छन् ।

भालुले बच्चालाई लगेको भन्ने आधार बनाएर खोजविन गरेपनि प्रहरीको अनुसन्धान टोलिले बच्चा हराएको समय आसपास सो क्षेत्रमा भालु आएको कुनै त्यस्तो डोब वा अन्य त्यस्तो संकेत फेला नपरेको बताएको छ ।

भालुले आक्रमण गरेको भए बच्चाको रगत वा अन्य निसान जंगलमा भेटिनसक्ने भएपनि अहिलेसम्म बच्चा वा अन्य ठुला जनावरको कुनै त्यस्तो प्रमाण त्यस क्षेत्रमा नपरेको प्रहरीले बताइरहेको छ ।

केहीले बच्चा छाडेको समयबिच केही गाडिहरु सो क्षेत्र भएर गुडेकोले कसैले बच्चालाई लगेको विश्वास समेत गरेका छन् । तर जापान सहित विश्वभर यो समाचार फैलिसक्दा समेत बच्चा लगेको भए कसैले कतै खवर नगर्नु आश्चर्यको विषय बनेको छ ।

बालकका बाबु आमाको भनाई समेतलाई हेर्दा बालक चलाख र बोल्न र बुझ्ने खालको भएकाले कसैले लगेको भएपनि उनले आफ्नो र परिवारका बारेमा राम्रोसँग बताउन सक्छन् । तर कसैले लगेको भए खवर आउनुपर्नेमा कतै यस बारेमा जानकारी नआएकाले यो संभावना न्यून रहेको प्रहरीले बताएको छ ।

मुख्य त जंगली जनावर भालु बढी पाइने सो जंगलमा बालकमाथि भालुकै आक्रमण भएको मुख्य आधार बनाएर ऐतिहाँसिक खोजि कार्य गरिरहेको जापानी सुरक्षा दल शुक्रबार पनि बिहानै देखी यही खोजमा लाग्दैछ । बुधवार र बिहिबार पानी समेत परेपछि खोजविनमा भेटिनसक्ने जंगलका त्यस्ता निशानहरु मेटिने ठान्दै उद्दार अझै लम्बिने ठानेको सुरक्षा निकायले थप सुरक्षाकर्मी र हेलिकोप्टर सहित शुक्रबार खोजि अघि बढाउँदैछ ।
आशा गरौं बालकलाई प्रहरीले सकुशल उद्दार गरेको समाचार आज सुन्न पाइनेछ ।