बनभोज गरेर मगरसंघ जापानद्धारा सामाजिक सहयोग

Posted on: May 31, 2016 | views: 394

१८ जेठ टोकियो ।
मगरसंघ जापानले बनभोज गरेर त्यसबाट उठेको रकम सामाजिक सहयोगमा खर्चिने भएको छ ।

संघको आयोजनामा आइतबार जापानको कावासाकी सिनामारुको स्टेशन नजिकै मारुकोबासी पार्कमा बनभोज कार्यक्रम सम्पन्न भएको थियो ।

संघले बनभोजबाट उठेको रकम तनहुँ शुब्लागण्डकीका ५५ बर्षीय मृगौला रोगी तेज बहादुर थापा मगरको उपचारको लागि दिने बताएको छ । उनको हाल मणिपाल क्षिशण अस्पताल पोखरामा उपचार भइरहेको छ ।

स्याङ्जा समाज, तमु धिं, शेर्पा संघ, नेपाल तामाङ समाज, आँपचौर समाज, खेलाडी मोहन महर्जन लगायत जापानमा रहेका विभिन्न जनजाती संस्था सहित केही जापानीको समेत सहभागीता रहेको कार्यक्रममा २ सय बढी व्यक्तिको सहभागीता रहेको थियो ।