जापान कुमामोतो भूकम्प प्रभावित क्षेत्र सहयोग गर्न जान स्वयंसेवक माग

Posted on: May 30, 2016 | views: 1483

१७ जेठ, टोकियो ।
जापानको कुमामोतो भूकम्प प्रभावित क्षेत्रमा सेवा गर्न जान स्वयंसेवक भोलेन्टियरको माग भएको छ ।

गत अप्रिल १६ तारिख शनिवारका दिन कुमामोतो क्षेत्रमा गएको ७.३ रेक्टर स्केलको शक्तिशालि भूकम्पपछि अझैपनि सो क्षेत्रमा सहयोगको आवश्यकता रहेको पाइएपछि स्वयंसेवी टोलि जान लागेको बताइएको छ ।
उक्त विनाशकारी भूकम्पमा परि करिव ५० जापानी नागरिकको मृत्यु भएको थियो ।

स्वयंसेवी टोलिका भोलेन्टियर संयोजक प्रल्हाद सिंह महतका अनुसार जुन ३ तारिखका दिन गएर ५ तारिख फर्कने टोलीले सो क्षेत्रमा सरसफाइ लगायतको काम गर्नेछ ।

भोलेन्टियर जान इच्छुकहरुले जुन २ तारिख साँझ सम्मा खवर गरेर नाम टिपाइसक्नुपर्ने महतले जानकारी दिनुभयो । तत्कालका लागि १२ जना भोलेन्टियर मात्र माग गएकाले समयमै सम्पर्क गर्न महतको आग्रह छ ।

३ तारिख बेलुका गएर ५ तारिख बेलुका फर्कने स्वयंसेवी टोलीमा जान जाहने व्यक्तिले आफ्नो लागि आवश्यक स्लिपिगं व्याग लगायतका व्यक्तिगत आवश्यक सामग्री साथमा लैजानुपर्ने समेत बताइएको छ ।

भोलेन्टियरको रुपमा जान चाहने व्यक्तिले कुनै भत्ता लगायत सुविधा नपाउने भन्दै स्वयंसेवक टोलि संयोजक महतले भूकम्प प्रभावित जापानी नागरिकलाई सहयोग गर्ने अवसरका रुपमा लिएर सम्पर्क गर्न आग्रह गर्नुभएको छ ।

भोलेन्टियर जान चाहने व्यक्तिहरुले प्रल्हादसिंह महतलाई 7013689922 मा सम्पर्क गर्न सक्नेछन् ।

यसअघि सो क्षेत्रमा गैर आवसिय नेपाली संघ जापानको टोलिले नेपाली खाना लगायतको सहयोग गरेको थियो ।

जापानका भूकम्प पीडितलाई नेपाली खाना सहितको सहयोग वितरण (फोटो फिचर)