भोली हुने 'धन्यबाद जापान' कार्यक्रम सभ्य र सफल पार्न एनआरएन जापानको अनुरोध

Posted on: May 28, 2016 | views: 1449

१५ जेठ, टोकियो ।
गैर आवासिय नेपाली संघ एनआरएन जापानले भोली मे २९ तारिखका दिन जापानभर हुन लागेको धन्यवाद जापान कार्यक्रम सफल पार्न अनुरोध गरेको छ ।

एनआरएन जापानले पत्रकार सम्मेलन गरेर जापानभर ५० स्थानमा हुन लागेको धन्यवाद ज्ञापनमा जापानमा रहेका सबै नेपालीलाई उपस्थित भइदिन समेत अनुरोध गरेको छ ।

कार्यक्रमबारे जानकारी प्रकाशित गर्दै एनआरएन जापानले गत बर्ष नेपालमा गएको विनाशकारी भूकम्पको समयमा जापान र जापानी जनताबाट पाएको सहयोगको लागि कार्यक्रम आयोजना गरिएको प्रष्ट पारेको छ ।

कार्यक्रममा उपस्थित हुनुहुने सबैलाई संभव भएसम्म नेपाली पोशाक सहित उपस्थित हुन अनुरोध गर्दै विज्ञप्तिमा नेपाली झण्डा र मौलिक पहिरनमा सभ्य भएर कार्यक्रममा सहभागीता जनाउन आग्रह गरिएको छ ।

दिनको ठिक ३ देखि ४ बजेसम्म हुने कार्यक्रममा कार्यक्रम सुरुहुनुभन्दा कम्तिमा १५ मिनेट अगाडी उपस्थित भएर धन्यवाद सहित नेपाल घूम्न जान जापानीहरुलाई अनुरोध गरिएको छ ।

नेपाली राजदूतावास जापान र कार्यवाहक राजदूत गहेन्द्रराज राजभण्डारीले यसअघि नै भोली हुने कार्यक्रममा उपस्थित भएर नेपालीको गौरवसँग जोडिएको धन्यवाद कार्यक्रम सफल पार्न अनुरोध गरिसक्नुभएको छ ।

एनआरएनद्धारा 'मे २९ आरिगातोउ निप्पोन्' कार्यक्रम झलक सार्वजनिक (विस्तृतमा)