नेपाल विद्यार्थी समाज जापानमा निर्वाचन हुँदै, यस्तो छ तालिका

Posted on: May 02, 2016 | views: 253

२९ चैत, टोकियो ।
नेपाल विद्यार्थी समाज जापान ९नेसाज० को ओशाका कमितिको निर्वाचन हुने भएको छ । यसको लागि नेसाजले निर्वाचन कार्यतालिका पनि सार्वजनिक गरेको छ ।

नेपालबाट अध्ययनका लागि आएका नेपालीहरुको संस्था नेसाजको निर्वाचन कार्यतालिकाअनुसार यही अप्रिल २३ तारिखमा निर्वाचन हुनेछ ।

निर्वाचन समितिका अनुसार अप्रिल १६ देखि १८ तारिखसम्म उम्मेदवारी दर्ता, १९ अप्रिलमा उम्मेदवारहरुको सूची प्रकाशन, २० तारिख बेलुका ५ बजेसम्म उम्मेदवारमाथि दावी विरोध र २१ गते साँझ अन्तिम नामावली प्रकाशन गरिनेछ ।

उम्मेदवारहरुले १६ तारिखमा नेसाजको वेबसाईटमा राखिने फारम भरेर उम्मेदवारी दर्ता गराउन सक्नेछन् ।

नेसाजको परिमार्जित विधान अनुसार विभिन्न शहरहरुमा सिटी कमिटी गठन गर्ने प्रक्रियाको सुरुवात गरिएको हो ।

अप्रिल २३ का दिन ओशाकामा हुने जापानिज भाषा वक्तित्वकला तथा सांस्कृतिक कार्यक्रमकै दिनमा सिटी कमिटिको गठन हुने नेसाजले जनाएको छ ।

समितिमा एक जना संयोजक, एक जना उपसंयोजक एक जना कोषाध्यक्ष र बढीमा ८ जना सदस्य रहने भएका छन् ।