जापानमा दुई नेपाली समातिए

Posted on: May 03, 2016 | views: 8844

२८ चैत, टोकियो ।
काम गर्ने भिषामा आएपनि तोकिए भन्दा फरक ठाउँमा काम गरेको पाइएपछि जापानमा दुई नेपालीलाई प्रहरीले पक्रेको छ ।

जापानी सञ्चार माध्यमले ३४ बर्षिय सन्तोष कुमार गुरुङ र अर्का एक नेपाली पक्राउ परेको बताएको छ ।

अर्का पक्राउ परेका व्यक्ति महिला भएको र उनिहरुले तोकिएको ठाउँ भन्दा बाहिर रेष्टुरेण्टमा काम गरेको पाइएको बताईएको छ ।

भिषा लगाएपनि पक्राउ परेका गुरुङको कम्पनिका ७९ बर्षिय जापानी मालिक युकिओ इसिदोलाई पनि नियन्त्रणमा लिएर अध्यागमन कानुन अनुसार कारवाही अघि बढाइको बताइएको छ ।

पक्राउ परेका जापानी नागरिक इसिदोले मोटो रकम लिएर फ़र यु प्राइभेट कम्पनी नामक कम्पनी मार्फ़त बिदेशीहरुलाई भिषा लगाई दिने गरेको पाइएको बताइएको छ ।

पक्राउ परेका जापानी नागरिक इसिदोले जनही १४ लाख जापानी येन लिएर भिषा लगाइदिएको अनुसन्धानबाट खुलेको छ ।

उनिहरुलाई नियन्त्रणमा लिएर अनुसन्धान भइरहेको र अब के हुने भन्ने केही निर्णय नभइसकेको समाचारमा उल्लेख छ ।